46歲張玉珊佛系戀愛 好友蘇永康心急做媒人

張玉珊

現年46歲嘅張玉珊(Shirley),離開娛樂圈轉戰商場多年,早前就同好友蘇永康(阿公)一齊上崔建邦同張秀文主持嘅《諸朋好友》,期間張玉珊大談事業得意,不過就感情交白卷,感情生活一片空白。

喺節目中,蘇永康指自己試過做媒人,介紹男士俾張玉珊認識,但張玉珊飲咗少少酒,講多咗嘢,搞到個氣氛好尷尬,不過嗰位男士都好有修養繼續食嘢,食到咁上下就起身走先。之後阿公送嗰位男士出去,仲話唔好意思搞到佢有啲尷尬。蘇永康笑言係「皇帝唔急太監急」。張玉珊表示自己順其自然「佛系心態」,因為自己係潮州家庭長大,由細到大都訓練要獨立,一件事都唔可以做錯,每件事都考慮得好周全,而呢個性格對佢做生意好有幫助。

張玉珊喺15歲時被星探發掘拍攝廣告,18歲正式入行做歌手兼拍劇,作品包括《新上海灘》、《騙中傳奇》、《妙手仁心》及《七姊妹》等等。喺25歲時佢選擇退出娛樂圈,創辦纖體公司。28歲嘅時候佢間公司喺香港聯交所創業板上市,成為香港最年輕嘅上市公司主席,成功轉型做商界女強人。

張玉珊
張玉珊
張玉珊
張玉珊
張玉珊
張玉珊
張玉珊
張玉珊
張玉珊
張玉珊

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!