46歲朱庭萱被指P圖過火 FB出PO回應： 每個人都會變老，都會醜樣

港台節目《視點31》邀請資深傳媒人盧覓雪與KOL朱庭萱（玻璃朱）出席節目，並以「娛樂為甚麼？」為題，討論TVB和ViuTV近來鬥綜藝、鬥娛樂嘅舉動。喺節目未出街前，網民除咗期待佢哋唇槍舌戰此外，亦將重點放喺《視點31》嘅宣傳照上，指玻璃朱好似修圖修過火，仲話佢成個蛇精男咁款，可以改名叫P圖朱。

喺日前，玻璃朱喺社交網站出PO回應，留言話：「成日講到P圖好似好大罪咁 但自己又有冇用美圖apps呢～其實都只係化妝效果唧！嗱！留意今晚8點31台無濾鏡冇美圖打真軍！唔帶口罩自已睇啦！」

去到噚晚，玻璃朱再出PO話：「係呀，有頸紋（條頸紋十幾歲就有），有白髮⋯因為我已經係一個就快47歲嘅女人。但⋯So what ? 每個人都會變老，都會醜樣，包括你同我。我從來都唔係賣外表，一向賣內涵。老又如何？不如睇吓你哋自己到47歲時仲有冇呢啲樣同身材先批評別人啦。除咗攻擊人外貌，再無理據嗎？留意下節目內容吧。 好開心同Michelle 交流，有火花，又有內容。希望港台可以盡快足本放係網上同大家分享。」

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載