5年級阿仔功課超多 霸氣老豆撕爛課本控訴學校

19+

 

由n年前到而家,點解小學雞都係一樣咁多功課?

教改講咗咁多年,改咗啲咩?

 

呢個情況唔止香港係咁,亞洲社會嘅教育制度,基本上都係信個「谷」字。

 

台灣有位記者爸爸林清華,有個讀5年班嘅細仔。

佢話小一至小四,功課量都叫正常,但呢個學年開始情況有變。

有晚,阿仔凌晨3點伏喺書枱前瞓咗。

成枱都係功課。

 

佢同校方反映,但對方就話高年級功課多好正常。

不過,阿仔交唔到功課,就會被老師罰抄,加上平時功課,

就好似卡數咁越積越多。

 

之後林清華同太太、細仔3個人,夜晚11點幾討論功課問題。

佢問個仔「你做唔做得晒?」,阿仔搖搖頭,

然後身為人父嘅林清華,一嘢將啲課本撕爛,叫個仔同老師照直講,

仲吩咐太太幫阿仔搞轉校!

 

點知第二日學校竟然send message俾林清華

「教育方式可以再討論,但欠的作業還是要交」。

 

林清華覺得,撕爛課本係抗議填鴨式教育,唔係想學校偏幫個仔。

由於台灣法例規定,小朋友不得連續3日缺課,

佢打算一路搵學校,一路幫個仔請假,最多返一日放兩日。

 

香港家長們,又會唔會咁做、敢做?

原post傳送門

其他內容