5歲童患罕有癌症 臨終前對媽媽說「對不起」
估唔到,一句「對唔住」,係可以咁沉重。 5歲英國男童Charlie喺2年前被發現肝臟出現罕見嘅腫瘤,需要換肝保命。屋企人喺網上發起募捐,結果籌到85萬英鎊(約850萬港幣),俾佢去美國求醫。
可惜病情未有起色,上個月醫生同Charlie屋企人講,小男孩只可以活多2個禮拜。 上周末,Charlie喺父母嘅懷中離世,短短5年嘅人生就此完結。
佢媽媽Amber喺囝囝離世前一小時,post咗張Charlie攬住Amber嘅相,並且提到Charlie喺彌留之際,同佢講咗句「媽咪,對唔住」。 Amber好心痛,覺得Charlie好想自己好返,但係事與願違,認為冇一個小朋友要承受呢種痛苦。佢亦希望其他網友好好珍惜生命,好好擁抱身邊人。 對每個媽媽嚟講,可能寧願聽到小朋友做錯事講「對唔住」,都唔會想喺病榻上聽到…… 願Charlie安息,佢嘅家人能夠渡過難關。原post傳送門【相關搜尋】一定要知道的癌症八大特徵