57歲溫兆倫開直播焫火頭 踩時下偶像厚粉:分不清男女

溫兆倫

現年57歲嘅溫兆倫喺十幾年前已經北上發展,之後娶埋內地老婆生埋女,喺內地落地生根,近年為咗保持人氣不時喺抖音拍片同內地網民互動。不過佢嘅影片內容騎呢又無厘頭,有時又會亂講野得罪人。日前溫兆倫喺抖音踩時下偶像不男不女, 又讚自己後生靚過而家既「小鮮肉」, 即時焫著火頭。

早前有網民指溫兆倫指髮線向上、發福似大媽,喺日前進行直播時,佢話「你們總說我老了,你們誰敢和我連線比一比?我57歲了,算保持很不錯了。」又話「我年輕時比現在這些小鮮肉強很多,他們的化妝品擦太多,都分不清男女,不知道你們喜歡甚麼。」見到溫兆倫對自己信心十足,但過度用濾鏡, 個樣變咗蛇精男。

溫兆倫踩時下偶像,即時引起網民熱烈討論, 唔少網民同意佢嘅講法,並留言「現在的偶像男星塗太厚粉,化妝品比女藝人用得還多」、「中國都推限娘令,男人剛陽才是正常」、「對的了,要陽剛之氣呀」。不過亦有網民批評佢「試吓唔用濾鏡先咁大口氣﹗」、「如果個人到57歲都淨係賣個樣,真係要檢討吓」,更批評佢「有樣冇品」。

溫兆倫直播
溫兆倫直播
溫兆倫抖音影片截圖
溫兆倫抖音影片截圖
溫兆倫抖音影片截圖
溫兆倫抖音影片截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!