59歲郭富城開心宣佈再做爸爸 太太方媛分享幸福日常對住靚海景做運動

59歲郭富城（Aaron）與細22年太太方媛（Moka）於2017年結婚，育有Chantelle（郭詠希）及Charlotte（郭詠萱）兩名女兒，又時時於社交平台分享合照，一家四口幸福美滿。前日（15日）郭富城喺出席電影《無名指》嘅神祕優先場，期間開心透露自己即將再次成為爸爸。

郭富城喺前日出席電影《無名指》嘅父親節神祕優先場，期間佢開心透露自己即將再次成為父親，佢一直都覺得係天賜嘅禮物，屋企越多小朋友越開心，好開心接受呢一份禮物，衷心多謝呢份恩賜。被問到今次懷孕係唔係計劃之內，佢就話一切隨緣，順其自然。之後佢就表示兩位囡囡都好興奮，迫不及待同新成員見面。被問到BB性別時，佢就大賣關子表示無論男或女都咁開心，非常期待BB嘅到來。

至於太太方媛方面，佢亦有喺社交網站分享幸福日常，除咗親自為兩位女兒準備早餐及送返學之外，佢仲對住靚海景做運動及與朋友見面，佢打算送贈尿片給予啱啱生完BB嘅朋友，佢仲話「說不定以後自己的寶寶也可以用得上這些尿片。」至於夜晚，佢就陪囡囡出席宴會感嘆話：「妹妹已經從幼兒園畢業啦，看到這一切非常的感慨，開始回憶起妹妹的小時候，今天的一整天真的過得太充實了。」

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！