59歲安德尊與宋芝齡疑因節目鬥嘴萌生戀情 年初曾叫車淑梅儲人情娶女助手?

·2 分鐘文章
宋芝齡 & 安德尊
宋芝齡 & 安德尊

9月19日就踏入60歲嘅安德尊(大王)與42歲宋芝齡係TVB節目《都市閒情》(現改名《流行都市》)「元老級」主持,二人合作多年,不時喺節目中以「鬥氣冤家」形式相處,火花四濺。近日佢哋就被傳媒影到親密行街,唔單止撓手,仲頭貼頭傾計,疑似撻著;有指因為宋芝齡之前一直有拍拖,直至呢兩年回復單身,所以安德尊先鼓起勇氣展開追求。

安德尊係典型嘅痴情男,初戀喺中學時期發生,不惜遲到早退都要送當時就讀另一所中學嘅女友返學,及後女友移民菲律賓,安德尊亦跟隨,不過女友一年後因腦膜炎去世,安德尊就返回香港重新出發。

宋芝齡接受媒體訪問就笑言平時同安德尊喺電視城都係咁樣相處:「平時喺電視城我地都係咁樣撓手行,有時拖手添,同事都慣晒。嗰日係去拍外景所以便服,架車泊遠咗大家一齊行,順便買炸雞同同事一齊食咋。」至於被問及有冇發展空間,宋芝齡就表示無可能,而且自己中意做生意,都未有追求者出現。

而安德尊就未有回應今次嘅緋聞,不過其實佢一直都被傳與女助手阿So秘密交往,安德尊喺今年一月份接受港台《舊日的足跡》主持人車淑梅訪問時,對方問及:「女助手阿So是否在等他,為何跟了近20年尚未迎娶?」;安德尊亦回答:「哈哈!我希望佢係啦!總之你儲定人情,不過講真,我唔想結婚,因為適婚年齡已經過咗,人稱我鑽石王老五仲好笑!」似乎於當時間接承認女助手阿So嘅正印地位。

安德尊與宋芝齡疑似蜜運中
安德尊與宋芝齡疑似蜜運中
安德尊與宋芝齡疑似蜜運中
安德尊與宋芝齡疑似蜜運中
安德尊與宋芝齡疑似蜜運中
安德尊與宋芝齡疑似蜜運中
安德尊與宋芝齡疑似蜜運中
安德尊與宋芝齡疑似蜜運中

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能