59歲江華直播賣珠寶 5小時銷情不足100單 網民對帶貨感失望

江華

59歲江華息影多年,早前透露自己將復出並會喺內地直播平台帶貨;前幾日佢就開咗首次直播售賣珠寶,開足5個幾鐘,不過最後連100單訂單都無,有網民仲話對佢帶貨感到失望,叫佢認真考慮拍返劇。

直播最高峰嗰陣共有2千人收睇,江華全程都好落力推銷,又幾乎將每件珠寶都戴上身示範;首先佢由較廉價嘅商品入手,再到貴價商品,表示:「專櫃賣259塊,今天在我這,只要39塊9,數量有限,喜歡的家人們可以去拍。」由於一開始賣嘅珠寶比較平,所以都成功吸客,不過之後珠寶叫價愈高,銷量就開始下降,仲一度出現無人落單嘅情景,銷情慘淡。

有網民就幫手講好說話,表示江華直播當天係平日晏就,未必太多人有時間收睇直播,又指江華所賣嘅商品係珠寶類,好多人都會擔心貨不對版,所以未必會透過直播購買;唔少網民就留言指好懷念江華飾演嘅經典角色,亦指更希望見到佢復出拍劇而唔係帶貨,不過江華曾經表示寧願做小販都唔想做演員,又喺2019年拒絕古天樂旗下電影公司邀請,堅拒再演《尋秦記》,未知網民意見又會唔會令佢有所動搖?

江華
江華
江華
江華
江華
江華
江華
江華
江華
江華
江華
江華

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!