6部劇 手 平常心爭視帝 山聰講明恨 「最佳衣著 」：扮靚錢夠買樓

【星島日報報道】陳山聰今年有6部劇，其中兩部更是台慶劇，他笑言是巧合，認為是自己的一個紀錄，不過爭視帝就抱平常心，反而講到明最恨 「最佳衣 獎」，更即場拉票及自言貢獻給時裝界好多錢。

文：余潤娟 圖：鄧國良

陳山聰、劉穎鏇、陳展鵬、劉佩玥等一眾演員昨日為台慶劇《超能使者》宣傳。山聰今年有6部劇播出，成為爭視帝大熱人選，連上年視帝譚俊彥都表示撐他，拍檔劉穎鏇笑言亦會投他一票，山聰笑言起碼有兩票，自己抱平常心，多謝兄弟姊妹支持。問會否擔心票源分薄？他坦言暫未知哪部劇被提名，估計不會每一部都提名，自己就好難揀，因為每部劇的角色風格各異，難得獲這 多人支持， 到這張成績表已好開心，會平常心面對頒獎禮，到時會靚靚出席，更直言恨 「最佳衣 獎」，同時希望《美麗戰埸》與陳瀅得獎。山聰恨到講出口，更向在場傳媒拉票：「真係想 ，大家知我貪靚，這個獎對鍾意時裝的人來說好有意義，花了30年錢夠買樓，俾我啦，我貢獻時裝界咁多錢！」

劉穎鏇被山聰看好爭「飛躍進步獎」，她笑言不敢說有信心，劇集播出後被讚有進步、角色有新鮮感，開心聽到好多正面評語，已經算賺 。被問三點式泳衣戲幾時播？她不肯透露，只表示今次造型好狂野，山聰則笑稱靠她的三點式谷收視，並預告陳展鵬、劉佩玥的劇情有爆炸性發展。

陳展鵬唔怕重提漁網衫

至於現場播出陳展鵬穿透視衫的片段，林子善笑他扮天王擺甫士，展鵬坦言這場戲多動作又要跳舞，好易爆胎，大家睇到似邊個就邊個。至於會否擔心網民重提他當年在亞視穿的漁網衫？展鵬強調與亞視無關，是個人問題，最緊要大家開心，而且拍戲講求效果。此外，展鵬都表示會投山聰一票，坦言今年好多兄弟姊妹都有不錯的表演，所以好難揀，總之未 過獎的都會投，頒獎禮既刺激又要公平，要民選才好玩。

■林子善、伍樂怡玩遊戲時都好放得開。

■有視帝大熱山聰及長腿劉穎鏇撐住，令新劇《超能使者》更有睇頭。

■山聰、劉穎鏇拍劇培養出默契，昨日即場做高難動作都無難度。

■陳展鵬、劉佩玥的劇情將有爆炸性發展。

娛樂

睇更多