67歲林嘉華與後輩演員互動被讚零架子 出山拍劇被傳財困：一笑置之

67歲林嘉華於1984年與前TVB服裝指導劉寶珍結婚，育有一子，1988年舉家移民加拿大，多年來加拿大及香港兩邊走，曾出演《學警出更》、《奸人堅》、《鐵馬尋橋》等經典劇集， 2019年與TVB約滿就返加拿大定居，期間因因疫情及照顧年邁父母，足足有3年多未返港拍劇。不過，林嘉華今年開始回復幕前工作，3月份曾返港拍網劇《執法者們》，上個月又到內地拍攝劇集《芻狗之血》，同劇演員包括張家輝、張兆輝及胡杏兒。

日前，林嘉華於拍攝《芻狗之血》停機時間，毫無架子地與谷祖琳、陳俊安、林敬剛等後輩演員相處，陳俊安用兩張摺櫈示範Push up健身動作，仲叫林嘉華試下做，林嘉華表示簡單到唔想做；當林敬剛跟住做之後，林嘉華又笑指：「你唔識做唔好做啦」。及後林嘉華又一齊執拾櫈子，被網民大讚完全無擺前輩架子。

林嘉華原本於加拿大享清福，但今年出山拍劇，曾因而被傳財困。面對傳言，林嘉華曾表示一笑置之，又澄清指自己係想過戲癮，而且係樂小姐送請佢返港拍攝《執法者們》，指對方向佢表示個角色唔會令佢失望。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！