72歲程可為約滿TVB自由身接工作 曾改簽一年一個騷感難過

TVB資深藝員程可為自上年台慶劇《美麗戰場》和《超能使者》播出後，噚日（6日）佢為港台劇集《我們的畢業禮》進行拍攝，原來佢已經喺兩年前約滿TVB，現已自由身接工作。

現年72歲嘅程可為喺1972年加入娛樂圈，但去到1983年因移民關係離開香港，1996年回流香港拍劇，多年嚟參與過唔少經典劇集，例如《宮心計》及《怒火街頭2》等等。去到噚日，程可為透露自己已經離巢TVB，並話：「起初無綫唔再包薪同我續約，改為簽一年一個騷，我真係有一段時間好唔開心，好難過。」，佢仲話自己由無綫第一期訓練班開始做，而佢哋突然間咁樣對佢，佢一時接受唔到，不過之後佢就諗經濟唔好，對方可能支出大，再加上佢年紀大，所以佢亦諗返對方嘅處境，並開始體諒，及放寬去諗，之後就變得開心啲。

自由身嘅佢目前為港台劇集《我們的畢業禮》進行拍攝，而拍攝時間好多時朝早6點開始，並喺晚上10點鐘就收工，好似會拍天光，所以佢認為現時嘅心活模式比較適合佢。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！