90年代女團Echo成員 區海倫隨立會議員老公派糖罕有曝光

90年代女團Echo成員 區海倫隨立會議員老公派糖罕有曝光
90年代女團Echo成員 區海倫隨立會議員老公派糖罕有曝光
90年代女團Echo成員 區海倫隨立會議員老公派糖罕有曝光
90年代女團Echo成員 區海倫隨立會議員老公派糖罕有曝光

早前情人節,立法會議員陳仲尼同太太一齊喺金鐘向市民派朱古力,祝市民甜蜜過節之餘,亦寓意希望財政預算案向市民「派糖」。而陳仲尼嘅太太正正係90年代女團Echo成員區海倫。

區海倫同陳仲尼1997年結婚,婚後二人育有2名兒子,而本來喺TVB擔任主持嘅區海倫婚後退出幕前,絕少曝光。到2017年區海倫現身《流行經典50年》演唱先至再見佢蹤影,區海倫當時表示因為製作人誠意邀請,阿仔升中學令佢有時間去錄影,於是應承演出,仲話咁多年來都仲係熱愛唱歌。

90年代女團Echo成員 區海倫隨立會議員老公派糖罕有曝光
90年代女團Echo成員 區海倫隨立會議員老公派糖罕有曝光

區海倫1987年以區鳳蘭之名參加TVB新秀歌唱大賽,最後殺入五強,雖然未有獲獎,但就得到唱片公司賞識,安排佢同李蕙敏組成二人女團Echo喺1989年出道。當時Echo以快歌及跳舞為賣點,聲勢唔錯,但有傳因為區海倫同李蕙敏不和而拆夥,Echo前後只有三年壽命。

後來李蕙敏單飛出道,一度成為「下一站天后」;而區海倫就簽約TVB,主要擔任節目主持,包括《城市追擊》、《娛樂反斗星》等。多年前區海倫喺前保良局董事會主席何志豪嘅婚禮上,同紡織大王後人陳仲尼同枱,陳仲尼正正因為《城市追擊》而認得區海倫,又覺得區海倫好開朗,於是搵何志豪夫婦幫手介紹。後來陳仲尼同區海倫正式發展,拍拖2年後結婚。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!