90分鐘狂熱倒數|網民熱捧世界盃三大女神 網民:杰寧公主世一

《90分鐘狂熱倒數》Ah Gi、杰寧 & 嘉盈
《90分鐘狂熱倒數》Ah Gi、杰寧 & 嘉盈

2022年卡塔爾世界盃日前開鑼,而ViuTV亦會免費直播19場比賽名單,包括兩場8強、4強、季軍戰及決賽。除咗直播足球賽事之外,ViuTV亦安排特備節目《90分鐘狂熱倒數》喺賽事開始前同球迷熱下身,兼講波估波,炒熱氣氛。節目搵嚟強尼、文廸@ONE PROMISE、洪嘉豪、陳詠謙、保錡@ERROR、Ah Gi樊沛珈、Kaying王嘉盈及「杰寧公主」潘杰寧(Kelena)擔任主持,陣容相當強大。節目搵咗三位靚女同大家「講波經」,當然成功獲得網民關注,更有網民喺討論區出PO討論佢哋添呀!

近日有網民喺討論區以「ViuTV 世界盃三大女神:人妻杰寧公主, 西面Ah Gi, MK 嘉盈」為題出PO,討論Ah Gi、Kaying及杰寧,當中Ah Gi及杰寧獲網民大讚係世一,例如「杰寧世一」、「牙Gi = 杰寧公主 >>>>>>>>>>>>>嘉盈」、「杰寧公主 樣最靚係佢 講嘢有深度,主持技巧又好」、「杰寧公主世一」及「係呢3個入面揀,我會揀ah gi」等等。

人稱「杰寧公主」嘅潘杰寧係一名利物浦嘅忠實球迷,佢擁有甜美嘅童顏樣子,完全睇唔出佢已經37歲,所以唔少網民都表示驚訝及以為佢只有二十幾歲。杰寧擁有豐富嘅主持經驗,曾經主持過有線電視《體育王》、《足球達人》及ViuTV《世界盃稀客》等節目,今次杰寧喺節目中表現不俗,口才了得嘅佢獲網民追捧,兼被稱為「世界盃女神」。

現年32歲嘅Ah Gi樊沛珈有「黑面女神」之稱, 佢喺畢業後曾任娛樂記者、Marketing、紋身師及與大學同學開設美容院,真係「百足咁多爪」。佢喺2018年參與ViuTV真人騷《Good Night Show 廣告女皇》及《Girls' Talk》,成功吸引網民關注。除咗幕前工作之外,佢亦喺2019年加入YouTube頻道《啱Channel》。去到今年,Ah Gi成為MakerVille合約藝人,參與《今餐有料到》、《運動勇者塔》、《90分鐘狂熱倒數》及劇集《百萬同居計劃》。

現年24歲嘅Kaying嘉盈係「熊仔頭」和「藍仔頭」主理YouTube頻道《FHProductionHK》重要一員,因其「MK妹」形象,不時衝口而出爆粗,及33E豐滿身材被指係新一代網絡女神,備受網民追捧。今期佢開始進軍電視圈,參與節目拍攝,例如《姊妹們的國際市場》及《90分鐘狂熱倒數》,不過佢係《姊妹們的國際市場》表示自己係標準香港女仔,比Maisy等參賽者貼地一言就被網民質疑,指佢好嘈,經常喺人哋講嘢嘅時候插嘴,又認為佢好造作。

《90分鐘狂熱倒數》截圖
《90分鐘狂熱倒數》截圖
《90分鐘狂熱倒數》截圖
《90分鐘狂熱倒數》截圖
《90分鐘狂熱倒數》截圖
《90分鐘狂熱倒數》截圖
《90分鐘狂熱倒數》截圖
《90分鐘狂熱倒數》截圖
《90分鐘狂熱倒數》截圖
《90分鐘狂熱倒數》截圖
《90分鐘狂熱倒數》截圖
《90分鐘狂熱倒數》截圖
《90分鐘狂熱倒數》截圖
《90分鐘狂熱倒數》截圖
杰寧
杰寧
杰寧
杰寧
Ah Gi 樊沛珈
Ah Gi 樊沛珈
Ah Gi 樊沛珈
Ah Gi 樊沛珈
嘉盈
嘉盈
嘉盈
嘉盈

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!