91歲陳日君弔唁前教宗 回港曾呼吸困難一直留院

天主教香港教區榮休主教陳日君早前到梵蒂岡出席榮休教宗本篤十六世喪禮，但回港後身體不適，要一直留院，佢喺Facebook公布消息。 陳日君涉及612基金嘅「串謀勾結外國勢力」案被捕，宜家保釋候查，佢喺Facebook話，出發到梵蒂岡前已經肩膊發炎，回港後以為情況會好轉，但一直惡化，年初一甚至呼吸困難，要緊急送院，所以一直未能探望喺監獄嘅囚友。 陳日君出發到梵蒂岡嗰陣需要坐輪椅，身形較以往瘦，要由教友陪同登機。