91歲黃夏蕙宣佈8月移民︰會好掛住大家 未有透露目的地

黃夏蕙與經理人Simon已合作十年
黃夏蕙與經理人Simon已合作十年

近年唔少港人移民,娛圈同樣有「移民潮」。最新一位宣布會離港生活嘅,就係今年91歲嘅黃夏蕙。夏蕙姨今早出post表達心情,先係憶述同經理人Simon合作十年嘅點滴「佢見證住我人生最低潮嗰一刻,亦在我最低潮同黑暗嘅年代,幫我重新包裝形象,由D&G事件開始,叫我關心社會事情,教我用搞笑嘅手法,與民同樂。呢段時間,雖然艱辛,不過真係好開心!」。

之後夏蕙姨交代即將離港「無奈,我懷着好唔捨得嘅心情!我要同大家講一句,8月我要走啦!我唔知幾時可以再喺香港同大家見面!我唔知大家會唔會掛住我!此時此刻,我只會同大家講,我無論身處世界某一個角落,我都會好掛住大家!」。夏蕙姨最後仲叫大家留意佢同Simon嘅訪問。而夏蕙姨並未透露會移居去邊度。

娛圈近2年移居外地嘅藝人,計埋有去咗英國嘅林師傑、林子博同王喜;前TVB藝人楊英偉則移居奧地利。曾經喺加拿大生活嘅張崇基同鄭敬基就選擇回流。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能