AK學打籃球溝女 Edan忘記生日 「爵屎」大陣仗慶祝

男團MIRROR成員Edan前晚出席活動，適逢是他農曆生日，大批粉絲「攻陷」商場為偶像賀壽，搞笑是Edan竟忘了自己是壽星仔，又稱西曆生日都要開工。雖然沒有慶祝，但他坦言忙足一年已感開心和滿足。

前晚Edan與隊友Anson Kong（AK）、Stanley及ERROR成員193出席日本動漫電影《THE FIRST SLAM DUNK》首映禮，吸引各人的粉絲逼爆商場。由於是日乃Edan的農曆生日， 「爵屎」（Edan粉絲暱稱）拉起寫上「呂腫生辰快樂」的橫額賀壽，但壽星仔表示：「唔係佢哋提醒，我都唔記得自己生日！」

電影改編自漫畫《男兒當入樽》，4人甫到場即大表興奮，AK自爆：「我讀書時唔識打籃球，但學嚟討好女仔！細個冇乜娛樂又窮，我哋3兄弟爭漫畫書睇，兩年前我有機會收藏咗男主角嘅一比一Figure。」談到小時候追看漫畫，AK坦言：「啲漫畫係租番嚟嘅，睇晒成個系列都唔係容易嘅事，男仔尤其鍾意睇漫畫，今晚勾起好多回憶。」

AK不欲提傷心事

談到學打籃球追女仔，AK說：「以前踢波，同班有個心儀嘅女仔，好想引起佢嘅注意，我讀書又唔叻，惟有靠運動。（成功？）唔好提，係唔得嘅！」而Edan笑言以前買漫畫會被媽咪詐型：「佢話我買埋晒啲垃圾書。（仲收埋？）丟晒喇。（21號西曆生日點慶祝？）要開工。（年頭做到年尾喎！）開心事。（有咩生日願望？）順順利利，大家身體健康，開開心心。」

另外，提到MIRROR為Alan Walker演唱會擔任嘉賓，AK表示：「除咗姜濤，佢隻腳未得。」而MIRROR官方昨晚宣布姜濤因身體抱恙，未能現身今晚舉行的演唱會。