5間All Day Breakfast推介!超重量級、龍蝦全日早餐

美好的一天由一餐豐富嘅早餐開始~平日工作咁忙,放假食返個超豐富嘅All Day Breakfast差吓電都唔錯~香港有唔少Cafe都有All Day Breakfast食,而且好多都進化到唔係基本配搭咁簡單!開飯仔今期繼續精選咗五間人氣之選,食完真係全日都充滿Energy呀。

重量級之選 Starssy Cafe

元朗好受歡迎嘅全日早餐店,而且性價比好高!呢度嘅All Day Breakfast有分中量級同重量級,嚟得梗係要食招牌$118重量級~包括沙律菜、番茄、牛角包、肉腸、炒蛋、薯角、茄汁豆、牛油果、洋蔥及煙三文魚,唔係淨係得個多字,牛角包烘得香脆,煙三文魚同腸仔都唔會過鹹,份量足足夠晒兩個人食,自己一個食嘅話真係飽到All Day都唔使再食嘢~

圖: hoyan1219、DollyLing
圖: hoyan1219、DollyLing

自由配搭+鮮甜龍蝦 The Yell-Owl Seafood And Grill

呢間一樣來自元朗,呢區嘅居民真係好幸福呀~呢度嘅All Day Breakfast除咗固定組合外仲有得自由配搭,咁就可以揀自己最鍾意嘅配搭喇!不過最受歡迎都係呢個超級貓頭鷹全日餐,食物有龍蝦半隻、蟹肉牛油果多士、班尼迪蛋、英式豬肉腸、大啡菇、煙肉、薯餅、扒蕃茄、沙律、焗豆及牛油粟米 。龍蝦大大隻啖啖肉,肉質爽口味道鮮甜,真係值得朝聖,九龍城都有一間分店㗎~

圖: blissful.foodiary
圖: blissful.foodiary

流心芝士牛角包 Hami Harmony 

必食流心牛角英式早餐,成碟嘢有兩樣嘢係Highlight!包括流心芝士牛角包同焦糖香蕉,牛角包好香脆,一切開仲有流心芝士,芝士味好香濃呀。另外焦糖香蕉都好少喺全日早餐見到,口感脆卜卜,仲有黑松露炒滑蛋、大大塊煙三文魚、牛肉腸、雜菜沙律,款款都幾有誠意。

圖: iampumpkin
圖: iampumpkin

自家製Waffle Crispy Bistro

西營盤主打Waffle嘅Cafe,佢哋嘅All Day Breakfast有茄汁豆、炒蛋、薯餅、沙律、煙三文魚、車打芝士腸、烤大蘑菇同埋兩塊大窩夫,窩夫外層香脆內部濕潤,又有蛋香,加埋糖漿食真係好出色!車打芝士腸都令人驚喜,一咬開脆皮係滿滿嘅芝士同肉汁,整體嚟講都好高質!

圖: jcpigpigzhu
圖: jcpigpigzhu

南丫島海景Cafe Hideout Cafe Bar

呢度除咗賣All Day Breakfast,仲賣埋超靚嘅海景呀~All Day Breakfast可自選煎蛋、炒蛋或烚蛋、仲有肉腸、烤蘑菇、煙肉、薯餅、茄汁豆、番茄、多士及水果,質素正正常常,但配埋海景真係加唔少分。

圖: Miwo
圖: Miwo

文: Yanica

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能