Update privacy choices

一夜成名!6歲招積仔戰巨人?網民集氣撐

on.cc 東網
憑一張海報成為網民焦點的「流星搥」現身!

「佢大隻得滯,可能佢有老鼠仔我冇呀!」6歲的劉肇洋,綽號「流星搥」,聽見自己可能要在擂台迎戰比他重3倍的大隻仔,立即瞪大雙眼直言怕怕。

近日網上流傳一張拳擊比賽的海報,顯示一名滿臉稚氣的小孩,即將迎戰一名壯丁。強弱懸殊的對比引起網民注意,紛紛向弱方「流星搥」送上祝福,令這位練拳一年的小孩一夜成名。

「講多謝囉!佢哋有畀信心你㗎嘛,咁唔講多謝講咩呀?」網民的留言,他一個都沒看,直至受訪時才知道自己做了風頭躉,「我睇電視話,如果多人講加油呢,就會贏多啲㗎喇。可能3 Round贏晒呢,係咪?」

想贏晒,不一定要等奇蹟,因為那張網上海報純粹出於惡搞。「流星搥」的真正對手,是一位跟他體形相若的小男孩。

不過對於獎牌得失,他看得輕,「贏咗就開心囉,開心…咪好囉!輸咗就失望囉,但係都要堅持落去囉。因為爸爸話呢,努力就得喇,贏輸唔緊要」。

兩父子原本喜歡在家裏扮對打,豈料扮得多,媽媽乾脆送他往拳館認真地學起來。至於「流星搥」的綽號,也是爸爸所起:「第一我姓劉啦,同埋流星錘係一個武器,爸爸覺得好勁呀,就幫我改咗呢個綽號。」他最終用「搥」代替「錘」,因為「搥」代表拳頭。

回應

其他內容