Update privacy choices

網民熱話:傳燒臘名店結業棄貓 「情願毒死晒佢哋」

on.cc 東網

【on.cc東網專訊】不少香港的餐廳或藥房等店舖內,都有養舖頭貓「看門口」兼捉老鼠。但往往在店舖結業後,用作捉老鼠的舖頭貓很大機會遭到遺棄。日前有大埔街坊踢爆,區內一間著名燒臘舖結業後,老闆娘疑將舖頭貓留在店內「放養」,當中更有貓咪未接受「絕育手術」而「開枝散葉」。該街坊憶述老闆娘曾向有意協助的動物義工說:「我情願毒死晒啲貓,都唔會畀你哋!」


該間有數十年歷史的著名燒臘舖今年4月結業後,街坊Cherry與一眾貓義工着手留意其舖頭貓的下落。「佢哋只係做咗一件好簡單嘅事,就係關咗道門,跟住由啲貓繼續喺入面。」由街坊所提供的相片中可見,餐廳環境惡劣,非常凌亂及骯髒。Cherry於心不忍,閒時會到其後門觀察,發覺貓咪愈來愈瘦、愈來愈「污槽」,更有數隻出現皮膚問題。


Cherry曾和義工向燒臘舖老闆提出,「畀我哋幫手幫呢啲貓貓搵新主人,唔好畀佢哋喺度流浪」,但老闆卻指其前老闆娘仍在飼養這批貓,由於貓咪情況日益惡劣,當中有未曾絕育的貓,近日更誕下近10隻貓寶寶,而兩隻「大肚貓」則不時從後門空罅走出,在附近流浪,於大廈簷篷間穿來插去。直至數日前,義工收到疑為老闆娘兼貓主的電話,揚言「我情願毒死晒啲貓,都唔會畀你哋!」


近日有裝修工人「入去拆舖,啲貓貓四散走晒出嚟」。Cherry表示:「依家四散都好,有人遇到救到。」呼籲街坊可幫忙留意,一同救貓。網民紛紛批評主人無良、黑心,又怒斥「唔理就唔好養啦,真係嬲到心痛!」


網民有話說

Fanny Tung:正人渣,之前已經話佢哋成日搞到貓貓病!

Yo Yo Lu Lu:仲以為佢哋之前養嘅唐貓畀晒人,原來一直都喺度!

Cherry Au:唔知有幾多人會收養到啲貓,你哋幫佢改個名啦,佢哋只係捉老鼠用,有名嘅貓其實真係好幸福。


※緊貼網民熱話,掌握最熱話題,請關注網民熱話fb:

http://on.fb.me/1L3m1ro

【更多即時新聞詳情請上東網新聞

回應

其他內容