Angelababy要用返本名楊穎?傳內地廣電總局新指引禁藝人用外國名

內地政府向來好關心社會風氣,廣電總局近年更加發下一連串禁令整治娛樂圈,犯法或者有失德行為而成為劣質藝人嘅,唔駛講,等同直接退休。早幾年一度興起嘅BL(男男相愛)網劇都一嘢落閘,就連藝人病態整容、陰柔男星嘅「娘炮」打扮、過度化妝等都要整頓。呢期有傳廣電總局又有新玩法!

話說喺內地社交平台拍搞笑影片而成名嘅網紅辣目洋子,近期用返本名李嘉琦示人,仲聲稱係阿媽意思。「我媽說,一切還是本來的好,聽媽媽的話!如果覺得名字不好記,就叫我小名『小辣』好啦。」。有傳辣目洋子改名,係要配合內地廣電總局即將要求藝人不得使用外國名嘅政策。內地編劇汪海林亦喺微博發文,表示「楊穎不能再署名Angelababy,辣目洋子也必須叫個中國名,是廣電總局的要求,叫外文名或近似外文名的藝名,將不被允許」。

由於汪海林多年前po過吳亦凡床照,仲喺吳最紅嗰排發文狠批對方演技生硬,佢講嘅嘢似乎幾有份量。而家Baby個微博仍然係用Angelababy呢個名,唔知幾時要改呢?

Angelababy微博
Angelababy微博

是日精選

Angelababy要用返本名楊穎?傳內地廣電總局新指引禁藝人用外國名

東寶小館結業︳「奇異博士」都幫襯 揸fit人露比曾獲提名金像獎男配角

口罩小姐︱「秋香」林靜莉大帽山上玩煙花被網民批違法加不負責任 凌晨公開道歉

【娛樂訪談】「愛回家Rebecca」沈可欣:二打六、茄喱啡?我無所謂!

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!