Anson Lo盧瀚霆生日應援浪接浪 神徒豪擲6位數租郵輪 巨型廣告牌連李司棋都去打卡

·2 分鐘文章
Anson Lo(盧瀚霆)
Anson Lo(盧瀚霆)

今日(7日)係MIRROR成員「教主」Anson Lo(盧瀚霆)嘅26歲生日,粉絲「神徒」們為佢花盡心思準備一連串嘅生日應援,今年嘅規模比上年盛大得多,豪擲過百萬賀壽,除咗喺尖沙咀天星碼頭租咗巨型廣告牌、於巴士車身及巴士站燈箱下廣告及於偶像專屬嘅排舞室舉行為期4日嘅展覽等等。另外,「神徒」仲打算以「教主」嘅名義成立慈善基金。

近日「神徒」們以6位數字喺郵輪船身用LED燈砌字為偶像慶生,郵輪公司更喺Facebook出PO:「鏡粉注意⚠️雲頂夢號將於聽晚8:00-8:30pm期間,喺杏花邨及小西灣海旁一帶出沒,為Anson Lo教主送上神秘驚喜」,相信今晚會有唔少「神徒」去打卡。

喺噚晚,大前輩李司棋(司棋姐)都有到尖沙咀嘅巨型生日廣告牌前影相,並上載相片到IG留言話:「到海港城購物,途中看到很多Anson Lo fans爭相拍照,我也影埋一份,年輕偶像好厲害。」之後,Anson Lo亦有喺司棋姐IG留言「多謝司棋姐」。

「教主」嘅應援生日活動真係一浪接一浪,相信粉絲嘅心意Anson Lo都會收到,喺今朝Anson Lo仲同經理人花姐(黃慧君)去到尖沙咀,喺巨型生日廣告牌前打卡留念。

李司棋
李司棋
郵輪公司喺Facebook宣布今晚將會有Anson Lo遊輪喺杏花邨及小西灣海旁一帶出沒
郵輪公司喺Facebook宣布今晚將會有Anson Lo遊輪喺杏花邨及小西灣海旁一帶出沒
早前一班「神徒」已經租咗天星碼頭嘅巨型廣告牌俾大家打卡
早前一班「神徒」已經租咗天星碼頭嘅巨型廣告牌俾大家打卡
Anson Lo(盧瀚霆)
Anson Lo(盧瀚霆)
Anson Lo(盧瀚霆)
Anson Lo(盧瀚霆)
Anson Lo(盧瀚霆)
Anson Lo(盧瀚霆)
Anson Lo(盧瀚霆)
Anson Lo(盧瀚霆)
Anson Lo(盧瀚霆)
Anson Lo(盧瀚霆)
Anson Lo(盧瀚霆)
Anson Lo(盧瀚霆)

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能