ANSONBEAN出騷後勁不繼

ANSONBEAN與肥仔在台上又唱又跳,十分合拍。
ANSONBEAN與肥仔在台上又唱又跳,十分合拍。

歌手ANSONBEAN前晚聯同其他樂壇生力軍在亞博開騷,他有4部分表演,坦言對他來說是很大挑戰:「我冇試過咁密集表演,所以都大壓力,我將個騷名刻咗喺屋企道門,視之為我頭號目標。(對自己表現滿唔滿意?)因為我冇喺咁大個場地表演過,所以一開始興奮得滯,到後面有啲攰,其實我唱完第一首歌已經喘氣,抖20秒又要唱另一首歌,好在冇明顯大錯誤,覺得可以再進步,體能要練好啲。」

問到有否計劃開個唱?他坦言會,但未肯定。講到音樂會較原定少了3個歌手演出,會否感可惜?他說:「我有諗過可以同Lokman一齊合作,希望將來有機會。今次同肥仔合作,喺佢身上學到好多嘢,佢好似師傅咁,之前佢喺《造星》有編過舞畀我,隔咁耐再相遇一齊表演,好珍惜今次機會,佢愈來愈勁。」