Apple抹布過百蚊 不如培訓認證「清潔師」

·2 分鐘文章
Apple官網上架一塊抹布售價竟高達19美元(149港元)
Apple官網上架一塊抹布售價竟高達19美元(149港元)

Apple(AAPL)官網上架一塊抹布售價竟高達19美元(149港元)引來熱議,網民認為普通眼鏡布已可抹走污穢,用貴布抹是多餘,相信肯買塊布只出於信仰。

係唔係信仰呢?睇價錢,用來抹酒杯的SINLAND Microfiber,賣緊17美元兩塊,Trendy Bartender Microfiber平少少,賣15美元兩塊,如今Apple塊布可以專用抹晒Apple最新物料的產品,仲未計攝影發燒友啲抹鏡頭工具,咁睇又算唔算好「信仰價」?

下載Yahoo財經APP

美股、外匯、加密貨幣免費即時報價,自選投資組合獲取相關新聞提示

酒杯的SINLAND Microfiber,賣緊17美元兩塊
酒杯的SINLAND Microfiber,賣緊17美元兩塊

可清潔nano-texture玻璃

再者該布其中一個爭議點是可清潔nano-texture玻璃,而根據蘋果的指引,清潔nano-texture玻璃似乎唔可以落水,偶爾需要清潔頑固污漬時,可以使用 70% 消毒火酒 (IPA) 溶液來沾濕擦拭布進行清潔。

網民戲稱是「信仰之布」
網民戲稱是「信仰之布」

所謂nano-texture玻璃,其實就是可以觸摸到的玻璃表面本身就經過了納米處理,而不是先有一層鍍膜來分散光線,所以理論上「玻璃」真係唔可以亂抹,如果用微粒較粗糙的抹布亂抹,真係有可能會影響納米處理。

nano-texture玻璃表面本身就經過了納米處理
nano-texture玻璃表面本身就經過了納米處理

培訓Apple Certified「清潔師」

Apple指引其實相當嚴格,就算你有「信仰之布」,抹完清洗都要乾透先可以再用,似乎是水質可能會影響到反光。

不過講返轉頭,「果粉」明白都係唔夠,中產家庭的家中清潔大都是外傭操作,外傭隨時用清潔劑噴噴抹抹就完事,主人「得布無所用」。所以,既然Apple有心要教大家買貴嘢「抹Mon」,倒不如在專門店開個短期外傭workshop,教菲傭抹nano-texture玻璃,甚至學微軟N年前MCSE咁「認證」,Apple可考慮與女傭培訓機構例如得成合作,推Apple Certified「清潔師」,成個「局」會唔會再認真啲?

外傭隨時用清潔劑噴噴抹抹就完事
外傭隨時用清潔劑噴噴抹抹就完事

相關報道:

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能