Archie練歌走音 家人聽慣晒

·1 分鐘文章
Archie非常重視演出,特地找老師幫忙練歌。
Archie非常重視演出,特地找老師幫忙練歌。

《聲夢傳奇》學員冼靖峰(Archie)、何晉樂(Rock)與蔡愷穎,前晚為New TV於元旦日主辦的《聲夢維港Party Together演唱會2022》排練,每次演出都有壓力的Archie,特別搵唱歌老師幫忙練歌,又預告家人會捧場:「我日日喺屋企練歌都走音,佢哋聽慣晒。」

Rock與蔡愷穎分別自彈自唱,Rock呻被朋友飛甩:「以往除夕都係全班朋友一齊倒數,但今年要綵排,畀朋友飛起,公司都畀咗心理準備我,預咗新年同所有節日都唔會有假放。」蔡愷穎則透露演出當天是朋友生日,以往都會一齊倒數慶祝,但今年要練習:「惟有公開向呢位好朋友預早講聲生日快樂啦!」

Rock與蔡愷穎為工作犧牲與朋友的見面時間。
Rock與蔡愷穎為工作犧牲與朋友的見面時間。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能