BLACKPINK新歌《Shut Down》MV疑抄COLLAR《OFF/ON》 網民列兩團相似點

韓國人氣女團BLACKPINK早前出道6周年之際宣布將在10月中舉行《BORN PINK》世界巡迴演唱會，香港站日期為2023年1月13至14日，唔少BLACKPINK粉絲都相當期待。BLACKPINK大前日（16日）釋出新歌《Shut Down》MV，截至19日中午12時收看次數已達8千2百萬次；不過有網民表示其MV內容與女團COLLAR《OFF/ON》MV極相似，惹起熱議。

有網民近日於Facebook專頁「<COLLAR>後援會」分享BLACKPINK新歌《Shut Down》MV截圖，並表示BLACKPINK與COLLAR兩團嘅MV非常相似，寫道：「好彩係COLLAR出先，唔係又有排煩。」亦有網民列出兩者MV相似點：「都係咁啱得咁橋，又係搭𨋢、又係浴缸、又係跑車、又係行走廊、又係第一下食指指地下，第二下兩隻手一齊向下掃，冇嘢嘅，咁啱啫」，除咗MV背景及跳舞動作相似，就連其穿衣風格都甚為相似，例如BLACKPINK與COLLAR嘅毛毛帽及鮮艷色彩服裝造型。

不過，有網民就認為BLACKPINK《Shut Down》MV內好多元素，都曾經出現於過往作品中，認為無存在抄襲成份；又有網民表示：「致敬啫」、「一定係用時光機抄」等等。另外，亦有網民指BLACKPINK與COLLAR都係自己最鍾意嘅團，覺得無所謂，又指其實無得比。

是日精選

七仙羽自爆情史 擺風水陣旺練馬師男友 但頂唔順呢點而分手

成熟版《聲夢》？TVB搞《中年好聲音》35歲以上玩得 網民︰屯公大媽全面進場

東張西望｜梁菁琳小背心造型採訪被斥教壞細路 為貼身打扮解畫

除罩「見光死」後人氣急跌 鮮肉威威黑面拒受訪 派年輕壯男擋駕

MIRROR紅館意外︱林作揚言出1百萬助阿Mo 代任發言人爭取公道

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！