幼稚園面試 我究竟認同甚麼?

專欄作家
與童同行

最近很多家有幼兒的家長都「食唔安、坐唔落」,因為踏入十一月,香港幼稚園及幼兒園的面試大戰,一觸即發。

今年的戰況確實令人不敢鬆懈。替幼兒報考四、五間幼稚園的家長,已可被視為「藝高人膽大」之輩。我有朋友甚至替兒子報考十一間幼稚園!「阿仔到而家都唔多肯開口,對住陌生人又怕醜,有咩辦法?」她還笑言自己只屬小兒科,在一些家長群組,她甚至聽聞有人替幼兒報考十六間幼稚園呢!

幼稚園的面試日一般都訂在十一月,報得多,自然出現「撞期」的情況。朋友剛收到各大幼稚園的面試通知,其中一個周六要連踩兩場,另一個周六則有三場面試。除非一家三口裝有「摩打腳」,否則,必定要在其中兩間幼稚園中作取捨。

朋友可懊惱了!四出探聽兩間幼稚園的高下,幾乎見人就問:「如果係你,學校A和學校B,你會放棄邊間?」

我倒覺得奇怪,學校A和學校B,是兩間截然不同的幼稚園。前者是名牌,以課程艱深見稱,是催谷型的學校;後者則幾乎是推行愉快學習的始祖,孩子要到K2才寫字,功課量極小,論學術成績簡直輸學校A幾條街。

市儈一點講,兩間學校,兩種客群,怎麼會有家長同時報考呢?

「無所謂啦!每間學校都有『賣點』,家長識走位咪得囉。如果催谷型學校肯收,咁每逢放假咪多啲帶細路出街玩囉!如果讀愉快學習嗰一間,咪同佢出去報啲認字班、英文班、公文數等等,幫佢補補底囉!」這是朋友的邏輯。「而家個個家長都係咁諗……」

原來如此,終於明白,為甚麼有些家長會讓孩子連踩兩間幼稚園……

「我揀你,係因為我認同你間學校的教育理念……」這句面試時的模擬答案,你有說過嗎?背後的意思究竟是甚麼?值得爸媽們想一想。















你可能還想看