你值幾錢？

商業世界裡，有個歪理是這樣的︰我們每個人都是一件商品或貨品，人人都有個「價」。當然，有些定價高一些、有些低一些；有些貨如輪轉，有些壓到倉底裡，一切視乎「商業價值」。


打工仔求職搵工，潛在僱主劈頭就開宗明義要求「開個價嚟見我」︰Interested parties please forward your resume with EXPECTED SALARY to xxx。打工仔為自己「開價」還未夠絕，更絕的是「價低者得」的情況並不是不常見。人力資源（勞力、腦力，以至生命時間）以一買一賣的方式交易，而且可以說愈來愈「抵買」。市面物價加加加加加，唯有人工加幅往往追不上通脹，但這是題外話。

以下是一段即使自己無講過，都一定聽過的經典對話︰
甲︰「唉，唔想做喇，我想轉工。」
乙︰「我都想喎！你想做啲咩工？」
甲︰「唔知呀……想升職但唔想孭飛、想搵多啲錢但唔想捱、裸辭又驚無錢使、捱落去又見唔到出路……我知唔辛苦唔得世間財，但而家問題係就算辛苦咗，都得唔到世間財……」

最近有報道引述專業輔導員指，學生追求學業成績，盲目埋首課程、求學只為求分數，鮮有機會認真發掘自己的興趣、專長及將來發展；而家長亦多著眼「搵錢」行業，標榜要不辛苦，卻不曾深入細聽子女心聲或探討社會實際要求。年輕人因而對社會及職場誤解多多，對行業工種一知半解，甚至誤以為社工即「義工」、公關等如「公關小姐」。

我們真是當自己（和子女）是件「貨」嗎？學校又果真「恰如其分」地充當生產線的一環，只求「啤」出貨品，僅此而已嗎？

如果人真的只不過是件貨，一手交一手可以了事的話，相信一切都「易話為」好多。「商業價值」——取決於產品品質、定價、品牌效應，以及市場供求等。要為自己定價？上http://cthr.ctgoodjobs.hk/salarycheck，輕鬆一click，就知道自己的「身價」（根據目前職場各行業整體薪酬水平釐訂）；再設定Profit Margin，即可上架；也就不會再有「我知唔辛苦唔得世間財，但而家問題係就算辛苦咗，都得唔到世間財」的無奈。

然而，我們（歡喜也好，不歡喜也罷）是人，不是貨，因此擇業時，除了金錢福利，還有理想和志向等的考慮。請撫心自問︰

1/ 喜歡（不喜歡）做甚麼？
2/ 強項（弱項）是甚麼？
3/ 喜歡（不喜歡）在甚麼地點工作？
4/ 希望（不希望）與誰共事？
5/ 需要甚麼？追求甚麼？（生理及安全需要？社會需要？自我實現？）
6/ 值得如何被對待？自己又如何看待別人，和自己？

市場有價，而人無價。

一句講晒︰可以出賣的，都不值錢；因為真正珍貴的，根本買不到。

CTgoodjobs（http://www.ctgoodjobs.hk）