雅虎香港新聞 
Bob嫂 布公仔教囡囡 性教育
Bob 林盛斌日前喺Facebook 上載咗一張老婆用布公仔教囡囡 性教育 嘅相，話老婆已經進階到搵人設計布公仔，用遊戲方式教幾個女「性教育」！網民紛紛表示 Bob 嫂係好太太！Bob 嫂（Pearl）而家陀緊第四胎，今胎仲要係囝囝，預產期係今年9月！但原來Pearl去年尾曾經歷 小產 傷痛，所以 Bob 認為福唔係必然，仲叫大家集氣，希望BB喺媽咪肚中健康快樂成長！
撰文：Sunday Kiss
圖片：Bob Facebook、新傳媒資料庫
延伸閱讀：
鎮店出山 Air Jordan 13 「History of Flight」全面上架
用布公仔教性教育 網民大讚好老婆
Bob 林盛斌喺Facebook 上載咗一張老婆用布公仔教囡囡性教育嘅相，佢話老婆已經進階到搵人設計布公仔，用遊戲方式教幾個女「性教育」。仲話：「到底………………….我娶咗個咩女人？」好多網民就表示 Bob 嫂係個好太太好女人，教女好有心機，仲有網民話如果 Bob 嫂第日推依個布公仔出市場賣一定會幫襯添！Bob屋企有三個囡囡，性教育同學識如何保護自己，對佢哋嚟講非常重要，網民大讚Bob娶咗個好老婆！
太太陀第四胎
Bob 4月嘅時候喺FB宣布喜訊，留言話：「各位，我正式宣佈：『我又做爸爸呀！』霏霏、熹熹、機機，你哋有細佬嘞！」
生夠四個一定會封肚
其實Bob早前接受Sunday Kiss訪問時，坦言和太太正努力追多個仔，不過無論追唔追到， Pearl話生夠四個一定會封肚，四個已經好完美。原來嗰陣已經有咗細佬B啦！Bob幫細佬B改咗個乳名叫「大兜仔」，仲話囝囝似足自己！
太太去年曾經歷小產
其實Pearl喺上年11月曾經歷小產，Bob話當時只陀咗2個月，可能陀得唔穩。直至12月Pearl再次懷孕，當時兩夫婦有共識過咗五個月，等陀穩啲先講！囝囝預產期是今年9月。
養六個女人要過億
N年前「風之后」李麗珊話生一個要400萬，現在連通脹計算就不止此數目，Bob要養三個，嚟緊仲有第四個B，還租住加多利山大屋，Bob的開支十分巨大，坦言要再努力搵錢養家。佢早前接受訪問時講過：「仔都話求其俾啲嘢佢食、俾啲嘢佢玩，但女唔得，女仔啲嘢精緻啲，又貴啲、巴閉啲，你諗吓一個女朋友使你幾多錢？我依家屋企有三個女朋友，加埋我老婆，仲有兩個工人，佢兩個都要氹㗎喎，唔止千幾萬，億幾先啱呀！」
延伸閱讀：
