Burger King唔賣華堡一日 幫麥記谷生意 原來係old news

·1 分鐘文章

  今日見到唔少人facebook share,快餐連鎖Burger King(BK)嘅代言公仔漢堡王, 同麥當勞叔叔手拖手嘅poster。   其實呢單嘢,差唔多2年前架啦。   當時,阿根廷嘅BK見對手麥當勞搞慈善活動, 將全日賣出巨無霸嘅收益作慈善之用, 於是決定當日唔賣招牌華堡,幫對家助攻谷生意,共襄善舉。   唔係吓吓要同對家撐到行先係做生意嘅, 呢招係咪有腦先!   不過,BK同時拍咗條片,用隱藏鏡頭拍低顧客得知冇華堡嘅失望樣, 中間攝一句「去嗰間唔係用明火燒漢堡扒嘅麥x勞啦」。 你估真係做善事咁簡單咩?咁先顯出華堡嘅地位, 又可以乘機入對手一句半句,一啖砂糖一啖s啦~~   片尾仲搵埋漢堡王去麥記買包,旁觀者見到實拍片放上網, 又贏多一注。 度橋嗰位,贏晒!