C AllStar又搞「分飛宴」

C AllStar期望演唱會加場。
C AllStar期望演唱會加場。

藝人駱振偉、布志綸及C AllStar,昨日錄影ViuTV節目《Chill Club》。布志綸將擔任4集主持,坦言首次錄影相當緊張。而C AllStar將於7月舉行演唱會,成員on仔笑指公布消息後,多了朋友主動聯絡,表示有意睇騷,釗峰笑說:「我哋啲同事又要開始『分飛宴』喇!」他們透露目前入座率維持75%,若反應好期望加場。

至於駱振偉提到好友陳積榮病逝一事,他表示:「我哋班大學同學成立咗治喪委員會,未知幾時出殯。佢離開嗰晚我本來拍緊嘢,都趕得切見佢最後一面。佢生前影落好多相,遲啲會幫佢搞個相展圓佢心願。」

另外,盛傳《Chill Club》集齊姜濤及林家謙等下月在旺角開騷,消息未經證實已掀撲飛熱。有保險公司職員稱可透過內部認購買票,但價錢高達2,000元,有粉絲上網「跪求」門票,ViuTV發言人只簡單回應指稍後會有公布。