C AllStar各自拍MV大比併 On仔牀戲惡鬥釗峰伸脷

【星島日報報道】C AllStar即將分開發展，為爭取在10月紅館演唱會中，唯一一人擁有獨自表演的機會，四子展開大對決，各自為獨唱歌拍MV、宣傳等花盡心思，希望在5月13日Fans公投中勝出。 陳健安（On仔）為參賽歌《煉獄健身室》親自作曲，MV就跟Super Girls的Cheronna纏綿，不過他說這MV最大鑊不是要操肌，是失戀後好傷心。他說：「導演畀咗支酒我做道具，點知我就隊晒盡情喪喊，喊到第二日頭痛到不得了！」Cheronna都好夠朋友，在臉書替安仔拉票，還得戚留言：「好多人羨慕我有得摸On仔D肌肉！」 梁釗峰亦不甘示弱，有廖子妤擔任《別消失》MV女主角，他坦言度期困難重重，說：「我呢首歌內容係叫人無論遇到任何逆景、困難都唔好輕易放棄生命，我好鍾意廖子妤嘅眼神，打動觀眾，所以幾困難我都要佢嚟幫我拍MV。」為出戰On仔的纏綿牀戲，釗峰亦謂其MV有伸脷場面，其實只是廖子妤與狗仔錫錫，果然為拉票不擇手段。吳崇銘（King）更厲害，《出場序》MV女角打孖上，包括女模易佩詩，及2015年國際小姐香港選區冠軍楊埕。King說：「我首歌係講Timing，MV用咗結婚做比喻，有可能結婚嗰個唔係最愛嗰個，到底今日我娶邊個？要賣關子！」不過講人多，何建曦（Jase）就先勝一仗，他的 《TakeYourTime》MV邀請了4位音樂人合唱live版。他說：「呢首歌係講如果愛一個人，對方又未欣賞自己嘅時候，就耐心等待，畀空間和時間對方，好有情聖感覺！」認真貼合Jase風格。

睇更多