Carman Odilia慳家 旺角揀平Bra

東方日報
·2 分鐘文章
Carman(左)與Odilia挑選合心水的內衣。
Carman(左)與Odilia挑選合心水的內衣。

組合Bingo兩位成員Carman及Odilia日前孖咇旺角出巡,同以背心晒腿look上陣被發現專睇減價貨及揀選平Bra,更貨比三家,認真慳家!

現時禁聚令收緊至二人,跳唱組合Bingo的兩位成員Carman(關嘉敏)及Odilia(陳康琪)日前現身旺角街頭,全程行孖咇上陣,與其他人保持距離,遵守禁聚令!天氣炎熱,兩女同以背心配短打上陣,雖然戴上口罩,但她們身材高挑,大騷長腿,輕易引人注目!

見兩女專攻平價內衣店,拿起不同款式的內衣左併右併,又互相幫忙配襯,似乎大感興趣,亦有揀選旁邊的泳衣。當行至減價內衣店時,她們即入內揀選,逗留了很久。兩女睇完一間又一間,連續睇了三間舖格價,行經路邊內衣檔時,見到有size大過頭的內衣時,忍不住駐足研究。

行完一輪見餓,她們即到附近小食店醫肚,疫情嚴峻,二人用消毒搓手液清潔雙手後才進食,做足防疫措施,期間食得滋味的她們又自拍留念。快快手食完後,她們即戴回口罩離開。

為性感角色做準備

事後接受電話訪問時,Carman表示當日二人在附近工作後,順道相約去睇內衣,為之後的工作做準備:「之後要拍啲內衣題材嘅片段,而我嚟緊亦有個性感角色要演出,要着內衣上陣,所以要揀定。」講到睇平Bra夠晒經濟實惠?Odilia笑說:「梗係,呢段時間收入比較少,要幫公司同自己慳錢。」問到現時到人多地方可會較小心?她續說:「驚o架!所以會同人保持距離,寧願行慢啲都費事黐埋啲人。(要遵守二人禁聚令?)係,所以依家得番Bingo,天堂鳥要暫時休息,因為佢哋有3個,哈哈。」

二人除罩食小吃醫肚,還不忘自拍自娛。
二人除罩食小吃醫肚,還不忘自拍自娛。