Cheronna扮硬淨死頂 學解夢釋懷

經歷了漫長的抗疫日子,吳嘉禧灰到質疑生存意義。
經歷了漫長的抗疫日子,吳嘉禧灰到質疑生存意義。

歌手吳嘉禧(Cheronna)受疫情影響,苦等了1年才推出新歌《而這麼多年以後》,對沒完沒了的疫情,她無奈說:「夠喇,耐性都磨蝕晒,究竟仲要幾耐呢?過去2、3年唔單只冇收入,我覺得就嚟冇生存意義,生產力低到搞唔掂。」雖然意志被磨滅,但Cheronna在這段期間仍堅持上堂增值,除了唱歌演戲,還去學解夢療傷,她坦承積存了很多情緒垃圾:「呢啲問題已經好耐,但我一直冇好好去處理。」

她覺得每個人都有原生的家庭問題,而她的新歌跟傷害有好大關係,主要是講離別,她說:「面對分離我係最渣,會慣性去逃避,明知係唔開心,但我會扮收埋唔理。好似我好掛住我啲離世嘅貓貓,但我選擇唔去喊,因為喊係代表懦弱,我唔去面對,唔識得處理嗰種傷痛,雖然我覺得唔喊係最好嘅,但其實呢樣嘢對我身體負荷唔到。」

始終一日會冧

熟悉Cheronna的朋友都覺得她好強,這亦是她的缺點,因為她要讓大家知道她喜歡逞強,不愛流露懦弱一面,她說:「離別係我一輩子都難學會嘅人生課題,我覺得學習放下係最難嘅,自從學咗解夢,或者同心靈導師、朋友溝通後,我發覺我唔可以再咁樣落去,因為我始終一日會冧囉!」