Coffee孭小花譚杏藍做傷人瑜伽 粉絲怒轟

Coffee林芊妤與小花譚杏藍同是受歡迎網紅及Youtuber,不過形象大不同,Coffee成為專業瑜伽導師,為人母後又經常一家三口放閃,走溫馨路線極受粉絲歡迎;小花譚杏藍就出奇制勝無厘正經,走另類路線。日前小花邀請Coffee一齊拍片示範雙人瑜伽,其中一個瑜伽動作Coffee要背對背孭住小花,點知小花上背後表現驚青全程大嘈大叫,專業的Coffee不停叫佢冷靜。Coffee把花絮視頻放上IG,結果惹來大批Coffee忠粉狂鬧小花,怒轟小花亂來會令Coffee受傷,群起罷睇,今次名副其實是「傷人瑜伽」!

撰文:東方新地 圖片及影片截圖:Coffee IG及譚杏藍IG

Coffee疫市教瑜伽

Coffee日前受小花譚杏藍之邀一齊做瑜伽放上網,這個pose看來似模似樣。
Coffee日前受小花譚杏藍之邀一齊做瑜伽放上網,這個pose看來似模似樣。

Coffee林芊妤八年前考獲國際認可的瑜伽導師專業資格,近年全力發展瑜伽事業,由於身材長年有睇頭,產後十日便成功收身,加上經常在網上示範瑜伽大顯身手,同網友分享運動與健美心得,吸盡人氣與粉絲,雖然早年曾受負面新聞影響,但她已成功洗底成為唔少師奶及OL追捧偶像,開班授徒客路大增,每次開堂極速爆滿,團體班要500元一堂,個別教授更高達2,000元一小時,後來更成為圈中藝人如胡杏兒的私人教練,賺錢能力今時唔同往日,近月疫市下,Coffee繼續在網上教瑜伽,成為youtuber的她頻道訂閱用戶人數早已突破100萬,IG亦有近90萬粉絲。

Coffee把其中一條視頻放上IG,這個動作需要配合度好高。
Coffee把其中一條視頻放上IG,這個動作需要配合度好高。
Coffee與小花背對背,馬步甚穩的她準備用力孭起對方。
Coffee與小花背對背,馬步甚穩的她準備用力孭起對方。
小花一上背即開始大吵大叫,Coffee多番叫她要冷靜。
小花一上背即開始大吵大叫,Coffee多番叫她要冷靜。

Coffee被邀做雙人瑜伽

日前Coffee在IG上載了兩條瑜伽視頻,她表示受好友小花譚杏藍邀請,拍了一條做雙人瑜伽的片,不過這條視頻卻是失敗之作,因為Coffee背對背孭起小花時,小花卻驚到不停大吵大叫,Coffee多番嘗試叫對方冷靜,她都控制不了情緒繼續嘈,結果要拍多次才勉強做到Coffee要的效果。

Coffee邊孭住小花邊聲嘶力竭叫佢對腳要擘大成V字,當時小花依然在大叫。
Coffee邊孭住小花邊聲嘶力竭叫佢對腳要擘大成V字,當時小花依然在大叫。
完全控制唔到自己的小花,不停問揸機者佢做咗啲咩?
完全控制唔到自己的小花,不停問揸機者佢做咗啲咩?

Coffee粉絲對小花極度反感

Coffee上載短片後,即惹來大批Coffee粉絲狂轟,大家幾乎一面倒鬧爆小花唔專業玩玩吓,把聲好刺耳好討厭,這樣做甚至會令Coffee因此受傷,畢竟小花都有肉地體重都唔輕,Coffee粉絲絕對不留情面,更甚是對小花表示抗拒及厭惡,叫Coffee下次唔好再同小花合作,要做瑜伽就搵個似樣點的對手。

因為小花太騰雞搞到要做多次這個動作,Coffee第二次做完不停搓住後腰位置表示好痛。
因為小花太騰雞搞到要做多次這個動作,Coffee第二次做完不停搓住後腰位置表示好痛。
Coffee粉絲睇完條片肉都痛,叫佢下次搵個冷卻一點的對手去做雙人瑜伽,不過Coffee表示自己識就力無問題。
Coffee粉絲睇完條片肉都痛,叫佢下次搵個冷卻一點的對手去做雙人瑜伽,不過Coffee表示自己識就力無問題。
不少網民都插小花太浮誇,一秒都唔想睇佢。
不少網民都插小花太浮誇,一秒都唔想睇佢。
幾乎所有網民都話小花好嘈,仲話佢似太媽,個個都叫Coffee小心唔好整傷自己。
幾乎所有網民都話小花好嘈,仲話佢似太媽,個個都叫Coffee小心唔好整傷自己。
大家都係網紅,不過Coffee觀眾緣明顯完勝。
大家都係網紅,不過Coffee觀眾緣明顯完勝。

網紅同人唔同命

其實小花譚杏藍先過Coffee發展網上事業,後曾留學美國,返港後參加第一屆《亞洲星光大道》而入行的她,早期在youtube上載一些化妝教學影片大受歡迎,其頻道訂閱用戶人數近40萬,雖然已算受歡迎,但與Coffee仍有段距離。喜歡嘩眾取寵的小花如今被標籤為嘈吵網紅,唔想趕客係時候改變一下!

Coffee的專業瑜伽導師與人妻人母形象已深入民心,與老公翟志榮結婚兩年,育有可愛囝囝「伯伯」,一眾網友都好鍾意睇佢於網上分享家庭生活點滴,同埋keep fit方法。
Coffee的專業瑜伽導師與人妻人母形象已深入民心,與老公翟志榮結婚兩年,育有可愛囝囝「伯伯」,一眾網友都好鍾意睇佢於網上分享家庭生活點滴,同埋keep fit方法。
Coffee的IG有近90萬粉絲。
Coffee的IG有近90萬粉絲。
Coffe的Youtube頻道已有過百萬粉絲,主打瑜伽短片。
Coffe的Youtube頻道已有過百萬粉絲,主打瑜伽短片。
小花譚杏藍成日搞到自己鬼五馬六,形象大癲大肺。
小花譚杏藍成日搞到自己鬼五馬六,形象大癲大肺。
早幾年小花的Youtube頻道曾經有超過四十萬粉絲,現在支持人數卻唔夠四十萬,可見流失不少粉絲。
早幾年小花的Youtube頻道曾經有超過四十萬粉絲,現在支持人數卻唔夠四十萬,可見流失不少粉絲。
與樂隊ToNick主音恆仔(趙善恆)拍拖後,不時在網上高調放閃。
與樂隊ToNick主音恆仔(趙善恆)拍拖後,不時在網上高調放閃。

延伸閱讀:

【錦繡南歌第7-11集劇情】驪歌毒發暈倒義宣交出解藥、太妃以死逼義康放過義宣!

【反黑路人甲大結局劇透26-30劇情】王浩信死而復生驗DNA揭真正身份、老狐狸姜大衛成坐館 四聯幫面臨解散?!