COLLAR非官方後援會出聲明 向MIRROR演唱會主辦方提出3大要求 惹部分粉絲不滿

COLLAR非官方後援會Facebook
COLLAR非官方後援會Facebook

男團MIRROR日前舉行第4場紅館演唱會,期間發生嚴重事故,台中央其中一部大型屏幕突然掉下,壓傷兩名舞蹈員,其中李啟言(阿Mo)情況仍然危殆。同時,唔少人亦非常關心MIRROR12子嘅情緒,MIRROR隊長Lokman就喺前日(1日)代言,出PO話佢哋會互相照顧,叫大家唔使擔心。

近日Facebook一個支持COLLAR嘅非官方後援會,因MIRROR演唱會事故,後援會三位Admin以「後援會」名義向演唱會主辦方譴責及要求作出跟進。

COLLAR非官方後援會Facebook
COLLAR非官方後援會Facebook

雖然佢哋嘅舉動獲得部分粉絲支持,不過亦引起唔少粉絲不滿,認為8大FC都未出聲,及指Admin係「一言堂」騎劫咗逾3萬粉絲嘅後援會,甚至有粉絲表示有餐廳會同後援會結束合作關係。之後,其中一位Admin喺後援會發聲明,指自己好愛COLLAR,見到唔啱嘅事情就會出聲,不過就令到部份人覺得佢蠻不講理,而最後佢離開COLLAR後援會管理。佢亦表示發聲明係佢提出,另外兩名Admin只係支持佢出聲明,唔關佢哋事。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!