DSE放榜|應屆考生炎明熹想讀時裝設計 藝人分數大公開 MIRROR成員咩成績 港姐盛產高分王?

一年容易又放榜,今年娛圈DSE考生至少有3位,分別係炎明熹、英皇歌手黃明德(Dark)以及應屆港姐6號胡睿涵(Hanna)。據知炎明熹身在外地,今日未有親身領取成績單。而胡睿涵就因為港姐正在越南拍外景,同樣要「遙距放榜」。

相信好多人都好緊張炎明熹考成點
相信好多人都好緊張炎明熹考成點

DSE4月開考期間,炎明熹試過考完英文兩份卷就坐車北上演出,唱完show返香港抖一日就去考數學,因此大家都關注Gigi考成點。而鍾意畫畫嘅Gigi早前受訪時曾表示,希望兼顧讀書同唱歌,並且透露心儀理大時裝設計課程,亦有諗過讀演藝學院。

黃明德
黃明德

至於參加《冤枉新秀訓練營》而出道嘅黃明德,原來同Gigi曾經參加同一個歌唱比賽,但就畀Gigi拎咗冠軍,Dark就屈居亞軍。初中時曾經留級2年嘅黃明德,對於DSE成績信心一般,估計會修讀副學士再升讀大學,目標係入讀歷史系。而18歲嘅胡睿涵係今屆最年輕港姐佳麗,但亦都係最高同上圍最豐滿嘅一位。Hanna話會繼續讀書,至於選港姐係家人鼓勵之下報名。

胡睿涵
胡睿涵

每年都會有報導重溫藝人會考分數。不過DSE由2012年開始舉行,部份90後考生都入行做咗藝人,仲講森美28分、E Kids加埋5分?out啦!一齊睇吓藝人DSE咩成績!(以最佳五科計算)

呂爵安 Edan @ MIRROR

呂爵安 Edan
呂爵安 Edan

Edan以25分考入港大讀工商管理,成為MIRROR才子之一,不過因為主修唔在行嘅資訊科技而讀得好辛苦,試過Programming一科肥佬!加上大學最後一年加入MIRROR忙到爆,一度想退學,最後靠堅持同同學撐住,仲話畢到業係奇蹟。

盧瀚霆 Anson Lo @ MIRROR

Anson Lo 英文科成績好,而家亦經常為歌曲譜寫rap詞
Anson Lo 英文科成績好,而家亦經常為歌曲譜寫rap詞

「教主」中學就讀青衣嘅羅傑承(一九八三)中學,DSE有23分,包括中文有5*英文都有5,獲城大商學院取錄。

沈殷怡

Shirley沈殷怡都係娛圈高材生之一
Shirley沈殷怡都係娛圈高材生之一

喺《大叔的愛》客串做Anson Lo家姐嘅Shirley沈,有外表更加有頭腦。Shirley參加第一屆DSE考到4科5**,即係至少28分!DSE之後Shirley北上上海復旦大學讀法律,畢業後回流香港中文大學入讀法學碩士。

鄧卓殷

鄧卓殷DSE有成33分!
鄧卓殷DSE有成33分!

港姐向來sell「美貌與智慧並重」,唔少佳麗讀書成績標青,10優狀元麥明詩以外,2018年港姐亞軍鄧卓殷2013年喺DSE考獲4科5**一共33分(最高35分),係港姐當中暫時最高分數。Amber憑住優異成績入讀港大建築系,畢業後再修讀碩士課程,實行學業同演藝事業雙線發展。

陳曉華

陳曉華
陳曉華

同屆力壓鄧卓殷嘅港姐冠軍陳曉華,DSE考到27分,選擇入讀中大護理學系,就學期間拎過獎學金,參加港姐前亦都成功成為註冊護士。

馮盈盈

馮盈盈
馮盈盈

FYY牙尖咀利轉數快,讀書叻唔出奇。佢DSE有28分,考入港大讀食物及營養學。馮盈盈讀呢科係因為細佬有腎炎,飲食有嚴格規定,於是決定學習飲食科學知識照顧家人。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!