Edan亂戴帽變油王

人氣男團MIRROR成員Edan最喜歡自毀形象，繼早前以塗抹痱滋藥膏片段示人後，他再上載早前到法國巴黎的花絮照，見他在巴黎大街展示新裝，並事先預告有「黑圖」，表示：「知道好多人都好鍾意呢套衫同呢頂帽，我都好鍾意，水手安！不過大家都知爵安好少戴呢類型嘅帽，所以喺fitting嘅時候就發生咗一件好有趣嘅事，然後全場人就笑到gapgap聲！唔多講了，碌到最後你就知，同大家隆重介紹，中東油王安！」原來其中一張相拍下他把帽子亂戴後的模樣，展現另類「時尚」。