Edan「田一雄」IG私密帳號曝光 疑似借鏡粉向Anson Lo示愛:呢對CP戲假情真好OK

·2 分鐘文章
Edan & Anson Lo
Edan & Anson Lo

ViuTV大熱劇集《大叔的愛》大結局已喺上星期五(16日)播畢,除咗引起全城追看成為話題,田一雄(呂爵安 Edan飾)與凌少牧(盧瀚霆 Anson Lo飾)呢對CP情侶仲極度受歡迎。日前,就有網民發現Edan喺劇集播映初期已開咗一個以「田一雄」為名嘅Instagram帳號(tin_yathung),分享嘅內容與行為更疑似想討好Anson Lo,令一班鏡粉懷疑佢哋假戲真做。

Edan將IG帳號設定為不公開,只有初期有追蹤嘅鏡粉先可以睇到;帳號上有大量《大叔的愛》幕後花絮相,包括田田同阿牧,Anson Lo仲張張相都有畀Like。而有網民亦發現Edan喺噚日凌晨4時突然接受大量追蹤邀請,令粉絲人數增至520人,同時又用上一個多小時追蹤ViuTV官方帳號、有關LGBT平權等帳號,令自己總追蹤人數達到66,兩者加埋所呈現嘅畫面就係「52066」(我愛你,牧牧/Lo Lo),不過僅維持10分鐘,Edan又再將部份粉絲删去。不過,有幸仍能追蹤Edan呢個神秘帳號嘅鏡粉就熱心將Instagram內容分享至telegram群組,鏡粉亦對Edan今朝IG Story發佈時間「06 06」感到好奇;Edan種種行為令唔少鏡粉都覺得佢喺到放閃,希望氹得Anson Lo開心。

部份鏡粉認為呢個情侶小帳夠晒sweet,表示:「田田本尊係情場聖手」、「52066示愛咁鬼sweet,邊有人敢同田(爵)田(爺)爭阿(教)牧(主)」、「真係好識氹女」等等,仲有唔少鏡粉話如果呢對CP戲假情真好OK;不過亦有鏡粉比較理性,指FF無問題,但怕會影響Edan與Anson Lo,無論點都應該無限量支持:「ff冇問題,但成日有人ff既野當真,真係唔掂囉,好影響粒星既名聲」,亦有心水清嘅鏡粉就認為只係另類宣傳,指吳海昕嗰陣拍《二月廿九》都係咁,以劇中角色Yeesa開咗個Instagram帳號,分享幕後花絮相及生活照,同樣係喺播完大結局後先將帳號設為公開,令劇集再度引起話題。

Edan
Edan
Edan暗開IG(網絡圖片)
Edan暗開IG(網絡圖片)
Edan暗開IG(網絡圖片)
Edan暗開IG(網絡圖片)
Edan & Anson Lo
Edan & Anson Lo
Edan & Anson Lo
Edan & Anson Lo
Edan & Anson Lo
Edan & Anson Lo
Edan & Anson Lo
Edan & Anson Lo

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能