Edan望MIRROR海外掘金

被指眼腫的Edan,解釋前日放假掛住打機。
被指眼腫的Edan,解釋前日放假掛住打機。

MIRROR隊長Lokman昨晨偕隊友Edan及Tiger出席公開活動,吸引大批Fans到場!期間Edan拿出蛋糕,為即將32歲的Lokman預祝,問到生日願望,壽星仔說:「大家身體健康,同埋快啲可以去旅行。(點慶祝?)最緊要同屋企人食飯。(Fans諗住為慈善機構籌款。)好喎!唔想佢哋亂使錢,做呢樣嘢可以積福。」Edan搞笑叫Lokman請食生日飯,又趁機寸隊友Jer走數:「希望你唔好做第二個Jer,成年都未請。」

此外,談到Fans「爵屎」租用流動車在美國荷里活大道巡遊,若Edan歌曲點擊達標,又計劃捐出15,000美元(約11.6萬港元)予慈善團體,Edan說:「冇諗過咁快去到荷里活,希望MIRROR多啲海外工作。」而Tiger在電視節目為毛孩籌款,被讚暖男,他坦言希望節目添食。

MIRROR三子到商場出席活動,順道為隊長Lokman預祝生日。
MIRROR三子到商場出席活動,順道為隊長Lokman預祝生日。