Edan腹肌任摸 小儀:似溶緊嘅朱古力

·1 分鐘文章
Edan任小儀過手癮,堪稱「正印」福利。
Edan任小儀過手癮,堪稱「正印」福利。

人氣男團MIRROR成員Edan、Lokman、Anson Kong、Alton及Frankie,昨日偕ERROR、小儀及黃奕晨等到水上樂園拍攝ViuTV節目《水著考有Feel》。擔任主持的Edan自爆讓「正印」小儀摸腹肌,小儀抵死說:「人哋嗰啲係6粒朱古力,但佢似溶緊嘅朱古力。」Edan透露過幾日便要為新劇《i.SWIM》騷肌,故要加緊操練,自嘲不及同劇的Jeffrey靚仔,又不及Stanley及Alton大隻,惟有以「零搞笑」新鮮感取勝。

另外4位MIRROR兄弟與ERROR擔任嘉賓,笑言攻擊對象是肥仔及阿Dee:「肥仔係身體上,可以攬住佢;Dee就係心理上,係咁讚佢有型同ViuTV一哥。」阿Dee又被嘲是「遊戲界揸流攤之男」,簡稱「揸男」!

另外,談及Edan對姜濤舉中指一事,ERROR表示不知情,記者打趣提議他們自製新聞,193即扮向肥仔舉中指,阿Dee與保錡則作狀推肥仔,上演「欺凌」大龍鳳!至於姜濤亦在網上展開「大報復」,上載衝去錫Edan面珠的短片,搞笑稱「到我欺凌你」。

出名大隻的AK(右起)、Lokman、Frankie與Alton,包冚唔騷肌。
出名大隻的AK(右起)、Lokman、Frankie與Alton,包冚唔騷肌。
ERROR高矮肥瘦乜都有,齋露腳毛最穩陣!
ERROR高矮肥瘦乜都有,齋露腳毛最穩陣!



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能