附Edan回應︳MIRROR Edan被爆背舊愛出軌後 再有疑似情慾短訊曝光 網民憑呢樣嘢睇出重點

MIRROR人氣大發，感情事自然係大眾焦點。最近有傳成員之一Edan（呂爵安）大學時代前女友Stephanie喺IG post相宣布訂婚，有人玩嘢tag 留言Edan，點知一句焫著Stephanie，大爆「其實戴完帽都唔會想理佢感受。」，暗示當日有人出軌，同Edan因為入行追夢而分手講法有出入。

估唔到呢單未平息，又有連登網友出post，宣稱係Edan用IG私訊同網友對話，內容頗為露骨，話「想磨下」又表態想做對方sp（性伴侶）。

不過亦有網友踢爆，Edan IG帳戶應該有代表知名人士認證嘅藍剔，而截圖嘅帳戶就冇，懷疑係偽造！而Edan剛剛喺IG Story回應，表示知道自己嘅事情被討論，認為唔應該澄清或回應私人及過去嘅感情事，因為唔希望影響任何人，亦希望俾空間有關人等，停止騷擾佢地，自己會繼續專注於工作上，但就冇否認傳言係咪屬實。

至於Edan經理人花姐仍未有對事件表態或回應。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！