附Edan回應︳MIRROR Edan被爆背舊愛出軌後 再有疑似情慾短訊曝光 網民憑呢樣嘢睇出重點

·1 分鐘文章
呂爵安(Edan)
呂爵安(Edan)

MIRROR人氣大發,感情事自然係大眾焦點。最近有傳成員之一Edan(呂爵安)大學時代前女友Stephanie喺IG post相宣布訂婚,有人玩嘢tag 留言Edan,點知一句焫著Stephanie,大爆「其實戴完帽都唔會想理佢感受。」,暗示當日有人出軌,同Edan因為入行追夢而分手講法有出入。

估唔到呢單未平息,又有連登網友出post,宣稱係Edan用IG私訊同網友對話,內容頗為露骨,話「想磨下」又表態想做對方sp(性伴侶)。

MIRROR Edan被爆出軌後 再有疑似情慾短訊曝光
MIRROR Edan被爆出軌後 再有疑似情慾短訊曝光
MIRROR Edan被爆出軌後 再有疑似情慾短訊曝光
MIRROR Edan被爆出軌後 再有疑似情慾短訊曝光

不過亦有網友踢爆,Edan IG帳戶應該有代表知名人士認證嘅藍剔,而截圖嘅帳戶就冇,懷疑係偽造!而Edan剛剛喺IG Story回應,表示知道自己嘅事情被討論,認為唔應該澄清或回應私人及過去嘅感情事,因為唔希望影響任何人,亦希望俾空間有關人等,停止騷擾佢地,自己會繼續專注於工作上,但就冇否認傳言係咪屬實。

Edan於IG Story回應近日被爆感情事
Edan於IG Story回應近日被爆感情事

至於Edan經理人花姐仍未有對事件表態或回應。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!