Edan認豬籠入水想儲錢買樓

星島日報相片
星島日報相片
星島日報相片
星島日報相片

【星島日報報道】MIRROR成員呂爵安(Edan)昨日與首支個人單曲《E先生 連環不幸事件》MV主角譚旻萱(Mandy)及林家熙(Locker)齊出席腕表活動搵真銀!Edan透露已接了6、7個廣告,笑認豬籠入水,但坦承未「出糧」,要等3至6個月,出糧後會儲錢。被問會否如姜濤般睇樓?他笑說:「姜濤梗係得!我未到!若賺到錢最想買層樓送給媽咪,她養大我勞苦功高。」他日前上載「barcode頭」照片笑爆網友,笑指是有史以來最多Like的帖文,他問阿媽及阿妹意見都說「好樣衰」,叫他不要發,但他堅持己見。是否想加入ERROR?他說:「咁又唔使!193 家咁勁,followers多過姜濤!我都想同三爺(193)一齊拍米綫廣告,我出名有鄉音!哈哈!」

此外,Edan為社交平台「夠薑蔥」主持模擬考試,街頭突擊考驗應屆考生,送上貼心打氣禮物。

文:彭形影 圖:羅安強

■Edan笑言未「出糧」,最想買樓報答媽咪。

■Edan街頭突擊DSE考生。

娛樂