陳嘉倩主持東京奧運被轟唔專業 網民:見到陳小姐即轉台

·2 分鐘文章
陳嘉倩
陳嘉倩

2020東京奧運已於8月8日閉幕,TVB喺直播奧運期間採訪隊主持陳約臨、吳業坤(坤哥)及周奕瑋(Jarvis)嘅表現受到網民評擊唔專業,但其實ViuTV主持一樣遭網民批評,除咗陳安立喺直播三人籃球決賽唔記得將手機調至靜音被指犯低級錯誤,陳嘉倩嘅主持功力亦被質疑,網民形容成個奧運期間佢都喺節目到做花瓶角色,齋坐無貢獻亦無做足資料搜集。

前無綫新聞主播陳嘉倩,離開無綫後就做KOL,憑著招牌甜美笑容加上靚樣,繼續大受歡迎。前排佢參與ViuTV節目《學神出沒注意》及《考有Feel》,不過網民反應麻麻,仲話佢駕駛態度惡劣、出茅招想MIRROR讓賽,劣評如潮。去到啱啱完結嘅東京奧運,佢再一次被網民批評,紛紛指佢唔專業。東奧閉幕直播當日,MIRROR及ERROR 16子亦有份參與期中,ERROR成員保錡就鬼馬地喺陳嘉倩講嘢時將頭部靠近對方,等自己可以入埋鏡。而呢一幕就畀網絡紅人司徒夾帶截圖分享至FB,寫道:「彈開啦你!夠膽搶我陳小姐鏡,仲黐到咁埋,想死」。杜汶澤就喺回應中貼出裁走陳嘉倩只剩保錡嘅截圖圖片,並指:「咁樣順眼好多。」、「至少無咁作狀」,司徒夾帶亦回應杜汶澤指自己應該改過條feed,而杜汶澤亦再次留言點名批評:「陳嘉倩真係香港電視史上最作狀嘅女人。」

一班網民就讚好杜汶澤呢個留言並大感同意,紛紛留言話:「見到陳小姐即轉台」、「其實,得罪講句…放嘉倩落去做奥運係害咗佢~條友真係唔識運動㗎 全程17日作用為零。」、「呢個金毛好睇過隔離果個」及「陳小姐真係好乞人憎,保錡確實唔應該痴咁埋,彈開啲保護自己」等等。

司徒夾帶Facebook
司徒夾帶Facebook
杜汶澤留言
杜汶澤留言
陳嘉倩
陳嘉倩
陳嘉倩
陳嘉倩
陳嘉倩
陳嘉倩
陳嘉倩
陳嘉倩
陳嘉倩
陳嘉倩
陳嘉倩
陳嘉倩
陳嘉倩
陳嘉倩

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能