Fans擺街站拉票 姜濤阿媽被「綁架」！

人氣偶像姜濤因腳傷正在休息中，一眾「姜糖」為他入圍叱咤「我最喜愛的男歌手」在銅鑼灣設街站拉票，期間竟巧遇「奶奶」，隨即一擁而上，姜濤得知後笑說：「綁架我媽媽投票！」

姜濤成功入圍《2022年度叱咤樂壇流行榜頒獎典禮》「我最喜愛的男歌手」最後5強，由於腳傷關係，他暫時未能出席宣傳活動，幸有一眾Fans代勞！日前有「姜糖」分享在銅鑼灣遇上「奶奶」姜媽的短片，當日「奶奶」經過票站，好奇停下問她們做甚麼，「姜糖」表示：「我哋問『奶奶』投票未？佢話唔識投，叫我哋教佢，我哋好驚訝，原來姜連自己媽媽都冇拉票！」

姜爸貼心問候Fans

「姜糖」趁機追問姜濤的康復情況：「佢話姜濤努力做物理治療中，但做物理治療時都會痛苦，我哋就話會等佢同支持佢，叫『奶奶』轉達，叫姜唔好心急！」另有「姜糖」在百德新街遇上姜爸，但姜爸比較怕醜，只是溫柔地問：「啲應援係咪好重？」與兒子同樣貼心。姜濤在社交網轉發相關短片及照片，寫道：「這有點好笑，綁架我媽投票！哈哈。我都沒有告訴她投票的事。謝謝你們哦！」

Alan Walker港騷邀任嘉賓

另外，國際頂級DJ兼音樂製作人Alan Walker將於明年1月6日在港開騷，邀請MIRROR做特別嘉賓，並會親自挑選歌曲跟MIRROR大玩Crossover。Alan Walker曾於2016年來港拍攝《Sing Me To Sleep》MV，翌年再來港開騷，與香港甚有淵源；去年他曾與欣宜及音樂製作人T-Ma合力製作Remix版《Believers》。