Frankie@MIRROR女友Christy黑材料不絕 花姐po燒雞相意味深長

MIRROR成員Frankie陳瑞輝(皮皮)
MIRROR成員Frankie陳瑞輝(皮皮)
Frankie於IG「上水」澄清
Frankie於IG「上水」澄清

MIRROR成員Frankie陳瑞輝(皮皮)去年承認有新戀情,其圈外女友早前親自回覆「皮寶寶」(Frankie fans稱呼)留言令身份曝光,不過話咁快網上就有大量Christy黑材料井噴式爆出,包括Christy過去喺IG發story聲稱多次做第三者、見一個愛一個,更爆出Christy疑似同Frankie發展嘅時間,男方同拍拖十幾年嘅女友Hei仍未分手。而Hei亦貼出韓國女星惠利暗寸舊愛柳俊烈劈腿暗撻韓韶禧後所發嘅IG story相片,似乎好有同感。尋日皮皮終於喺IG作回應,澄清「喺上一段感情結束後,先正式開始而家呢一段關係,希望大家唔好再作猜測」。

MIRROR經理人花姐
MIRROR經理人花姐
花姐po咗張燒雞相,引起無限聯想
花姐po咗張燒雞相,引起無限聯想

至於身為MIRROR經理人嘅花姐(黃慧君),今日凌晨喺IG STORY貼出一張燒雞相,仲寫道「好食,但難HANDLE,我嘅性格會選擇唔食」,似乎有弦外之音。唔少網民認為花姐似係「借雞」對Frankie事件作出回應,大讚花姐高招。其實早喺Christy被爆料之初,花姐都post過一張食片皮鴨嘅相,有網民「柯南」上身,話花姐要「片」皮皮!

再有疑似Christy舊IG截圖流出
再有疑似Christy舊IG截圖流出

即使皮皮澄清冇劈腿﹐但網上流傳唔少難辨真偽嘅Christy舊IG截圖,其中一張提到皮皮要陪女友又要陪佢,似係要踢爆對皮皮嘅澄清,但唔少網民就話係假post。另外又有一張疑似2022年1月皮皮同Christy對話截圖流出,Christy向皮皮訴苦,而皮皮就send嘟咀自拍照氹女方。張相如果係真的話,對話當時皮皮同Hei仍未宣布分手。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!