GaGa遭禁錮數月 因姦成孕

GaGa接受哈利王子有份主持的節目訪問,自揭被禁錮在錄音室的恐怖經歷。
GaGa接受哈利王子有份主持的節目訪問,自揭被禁錮在錄音室的恐怖經歷。

現年35歲的美國天后Lady GaGa,蜚聲國際的輝煌背後,一直在創傷的幽谷徘徊。日前她現身美國名嘴奧普拉(Oprah Winfrey)與英國前王室成員哈利王子(Prince Harry)的節目,一字一淚剖白19歲因姦成孕的慘痛經歷,恐怖的性侵留下一生烙印!

奧普拉與轉往美國搵食的哈利王子,聯手打造探討精神健康的新節目《The Me You Can't See》,成為受訪嘉賓的GaGa首度提及19歲因姦成孕的往事,本來保持鎮定的她,每當觸及當年的慘痛傷口,即禁不住哽咽。

恐怖的經歷,全由當年一位音樂監製而起,GaGa說:「我19歲入咗行,有個監製同我講要我除衫,我話唔好,然後我走,但佢哋話會燒毀晒我嘅音樂,冇停過威脅我,我成個人定住咗,我……之後乜都唔記得晒,我唔會講佢個名出嚟。我知道有『#metoo』呢個運動,有啲人覺得冇乜嘢,但我唔係,我永遠都唔想再面對呢個人。」說罷忍不住落淚。

挺肚被車走遺棄

拒絕透露施暴者身份的GaGa,自言被多次強姦,對方甚至把她鎖在一間錄音室長達數月,更不幸的是令她懷孕!被姦的陰影影響至深,她自爆患上創傷後壓力症候群(PTSD):「我後來有思覺失調嘅問題,有好幾年時間,我唔再係以前嘅我。我曾經因為全身劇痛同麻痹而入院,醫院派心理醫生嚟睇我,我先知係心病誘發出嚟嘅毛病。」

「我病咗好多好多好多個禮拜,後尾先發現呢種痛楚,等同於當日姦我嗰個人將當時大肚嘅我車走、擲埋一邊嘅時候嗰種痛!我返到父母屋企,一路喊同唔舒服,因為我一路被侵犯,我被困喺錄音室幾個月時間!」經歷一段長時間,曾自殘的她才開始把自己拉出痛苦深淵,又自爆曾向一位知名人士訴苦,但不獲對方幫忙,反而疏遠她。

身心劇痛未斷尾

GaGa因被姦經歷而偶有精神崩潰,直至2019年與男星畢利谷巴(Bradley Cooper)合作音樂電影《星夢情深》(A Star Is Born),問題仍未解決,偶爾會發作。雖然她一直接受磁力共振與電腦掃描,醫生也找不到痛楚根源,但她指身體有記憶,還記得一切,又提醒其他人即使在低潮中也不要自殘,因為只會令自己情況變得更差。