Gareth.T送烹飪書 盼張敬軒有啖好食

張敬軒提攜後輩,邀Gareth.T任演唱會嘉賓。
張敬軒提攜後輩,邀Gareth.T任演唱會嘉賓。

歌手張敬軒前晚於紅館舉行《THE NEXT 20 HINS LIVE IN HONG KONG張敬軒演唱會》補場騷第7場,吸引歌手張天賦、連詩雅和黎紀君等捧場。軒仔自爆創作《笑忘書》時患抑鬱症,面對冇工開及家庭狀況等問題:「唔係冇輕生念頭,但我膊頭太重,有父母、家庭同歌迷,當時唔開心就寫咗呢隻歌。」之後他一步步捱過,鼓勵觀眾遇上低潮要咬緊牙關。

22歲創作歌手湯令山(Gareth.T)擔任嘉賓,軒仔表示以前得前輩關照,經常做「嘉賓王」,現在輪到自己支持新人。期間Gareth將軒仔的「遮遮」暗黑料理放上枱,並送上兩本烹飪書,希望軒仔日後餐餐都超級豐富。軒仔笑指「遮遮」又有新料理,張母離港前交帶「遮遮」煲粥後,結果他連吃9日粥:「我開演唱會,唔係照腸鏡,不過係花膠海參粥,男人到呢個年紀要滋陰。」