GD@BIGBANG被爆與Jennie@BLACKPINK秘戀一年 佢哋嘅緋聞對象仲有...

韓國天團BIGBANG隊長G-DRAGON（GD）和同門師妹BLACKPINK成員Jennie喺今日被韓國傳媒公開二人約會照片爆出戀情，報道指二人已經秘戀一年，仲話佢哋多數會喺GD位於漢南洞嘅寓所約會，而GD寓所有獨立停車場及專用電梯，Jennie只要有住戶證就可以自由出入。另外，報道仲話佢哋已經係公司嘅公認情侶，Jennie媽媽亦知道兩人正在交往。佢哋嘅約會模式就係Jennie喺完成工作後，雙方嘅經理人都會負責接送Jennie去到GD私隱度極高嘅寓所。GD同Jennie都係超人氣偶像，仲要都係靚仔靚女，佢哋過往都有其他緋聞對象，而家就同大家數一數啦！

GD喺2006年以BIGBANG隊長身份正式出道，出道以嚟紅遍亞洲。人紅自然是非多，GD嘅感情生活一直都成為傳媒焦點，而佢嘅緋聞女友包括女模金米娜、水原希子、小松菜奈及After School前成員李珠妍（另譯：李周妍）。

而喺2016年先以BLACKPINK成員身份出道嘅Jennie，一出道即紅遍全球，係唔少人心目中嘅女神。不過佢過往嘅緋聞男友就真係唔算多，只有韓團EXO成員Kai及新生代攝影師Hugo Comte。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！