Google Map 帶錯路 過百司機集體中伏

19+

自從有Google Map 出現,頓然發覺……

以前到底點樣由一個點去到另一個點嘅呢?

 

不過呢個地圖都唔一定係絕對權威,

介紹坐咩車嘅方法,試過唔止一次,明明鐵路轉兩轉就去到,

佢係都要你轉三次車又巴士又剩,仲要唔係快。

 

揸車更大劑,佢叫你向東你冇得唔跟,

呢次仲搞到集體大中伏,差啲趕唔止飛機。

 

一條通往美國丹佛國際機場嘅主要道路,因為交通意外而擠塞。

司機們喺路上依靠Google Map帶路,

系統介紹咗另一條冇咁塞嘅路。

點知係一條農地中間嘅泥路。

加上剛剛落完雨,如果唔係越野車,當堂會「泥足深陷」。

卒之真係有車行唔到,尾隨嘅自然排晒長龍,中晒大伏。

 

有人趕飛機仲要遇著咁嘅情況,

多得有揸四驅嘅義士送佢一程,否則真係趕唔切!

 

Google就回應,路線建議會考慮好多因數,

但係天氣狀況影響路面狀況,就好難控制,

建議司機們要保持警覺,用自己經驗判斷行邊條路。

原文傳送門

你可能還想看