Gordon同舊愛反面 速撻「大埔LuLu」

東方日報
·3 分鐘文章
大埔LuLu與Gordon到郊外「蜜」遊!
大埔LuLu與Gordon到郊外「蜜」遊!

憑《全民造星Ⅲ》而上位的Carman被傳背住天堂鳥成員男友Gordon,暗撻人氣王陳澤言(CY),慘變「綠帽鳥」的Gordon即和她一刀兩斷,在社交網「落閘」互相取消關注,不過「綠帽唔怕戴,最緊要除得快」,皆因他已拖新女「宅男女神」大埔LuLu登場!

擁有34D逼爆身材的組合Bingo成員Carman,在ViuTV節目《全民造星Ⅲ》中輸了獎但贏人氣,帶動桃花運也提升,在比賽中邂逅聲線酷似陳奕迅,連鄭欣宜、謝安琪和張繼聰都公開讚唱功及關注其社交網的CY,兩人惺惺相惜下,互生情愫而傳出姊弟戀。雖然女方多次否認緋聞,但有傳在參賽期間,她和發展年多的「地下情男友」、天堂鳥隊長Gordon突然情變,多次以「工作忙」而拒聯絡。察覺到「綠帽疑雲」的Gordon向女友攤牌,結果不歡而散,關係決裂,在社交網互相取消關注。

同場互當透明

翻查社交網,Gordon以往對Carman所有貼文必Like,但自去年11月中旬起已少互動,最後一次派Like已是上月19日的事,而同月就爆出女方搭上CY,到近月更被發現Gordon和Carman已互相取消關注,連網上朋友都做不成。有知情者透露,Gordon和Carman日前難得聚頭出席活動,可是男方長期匿埋一角「打機」,而女方則忙拍照及做訪問,就算並肩而企都互當透明零交流,如同陌路。

昨日Carman受訪時稱和Gordon只是「螢幕情侶」:「我哋曾經喺網絡大電影度拍拖,但唔係真係拍過拖,依家仲係朋友,冇鬧過交。」不過她承認因參加《全》太忙,和男方少聯絡。問到為何互相取消關注社交網?她一臉愕然,邊否認邊找電話了解:「點會呀?相信佢唔會因為少咗傾偈而咁做,佢係好大方嘅人。」之後突然醒起,稱可能因她和對方的社交網戶口齊被Hack有關:「佢同我都唔小心取消關注咗好多朋友,我一定會關注番佢,嚇死我,以為佢嬲咗我添!」

與新歡「蜜」遊

而Gordon亦解釋:「因為Account被Hack,被啲朋友Block咗啫!(會關注番Carman?)遲啲有合作先啦!」對於有傳CY介入他和Carman的戀情中,他說:「唔關CY事,我都唔識佢,不過如果佢哋有發展都戥佢哋開心,同Carman以前係『好朋友』,依家係朋友囉!」

據知,傳被飛的Gordon曾在社交網發「失戀文」,留言:「不能強迫別人來愛自己,只能努力讓自己成為值得愛的人」、「生日最大感受嘅係學會點珍惜,好多嘢都唔係必然。」不過其情傷近月又突然「康復」,原來其「療傷靈藥」正是有「燈神」之稱的大埔LuLu(董嘉儀),兩人由「網友」變「拖友」,近日他更網晒和LuLu郊遊「蜜」照。身為洗衣店太子爺的他,最近更榮升為食肆老闆,他說:「同LuLu發展中啫,嗰日係同幾位朋友行山啫!(單獨約會?)有車過佢囉!覺得佢性格好,人又得意,不過我依家事業為重。」

Carman與CY(左)因參加《全民造星Ⅲ》而撻着。
Carman與CY(左)因參加《全民造星Ⅲ》而撻着。
Carman
Carman
大埔LuLu
大埔LuLu

【相關搜尋】大埔LuLu被指「燈神」